Protesta e Studentëve/ Para Parlamentit bashkohen edhe banorët e Unazës së Re

Protesta e Studentëve të Universitetit të Tiranës, në ditën e saj të 16-të është zhvendosur para Parlamentit të Shqipërisë ku po diskutohet për buxhetin pasi është kthyer nga Presidenti ndërsa ata vazhdojnë të kërkojnë plotësimin e 8 kërkesave.

Sot protestës i janë bashkuar edhe mbështetësit e opozitës ndërkohë në momentin kur protesta filloi, asaj iu bashkuan edhe protestuesit e Unazës së Re.

“Vijmë të mbështesim studentët për atë që kërkojnë. Ne kemi kauzën tonë, por sot kemi ardhur për ta,” tha një prej protestuesve të Unazës së Re, që për dallim nga përpjekja e tyre e parë për t’ju bashkuar studentëve kur u penguan nga marksistët dhe fresshistët e Edi Ramës, sot ishin të mirëseardhur .

Ndryshe, përveç studentëve dhe qytetarëve që janë solidarizuar me kërkesat e tyre, para Parlamentit është një prezencë e madhe e forcave policore ndonëse për 15 ditë kishim të bëjmë me një protestë model, të cilën Edi Rama nuk e ka parë as në ëndërr me rrugaçët e tij rilindas, që për 8 vjet nuk ditën të organizojnë asnjë protestë të vetme pa incidente.