Protesta e Studentëve/ Pas 9 kartolinave, 9 tollumbace për kryeministrin…

Protesta e studentëve para kryeministrisë vazhdon edhe pse me pushime. Pas 9 kartlonave që I dërguan dje kryeministrit ata sot kishin 9 tollumbace me 9 kërkesat për kryeministrin Edi Rama që nuk dënjon ti përgjigjet.

“Dje nisëm 9 kartolina, por kryeministri nuk ka dënjuar që të kthejë përgjigje. Sot kemi nisur 9 tullumbace meqë kryeministri nuk është ekzistent, do ti nisim babasgjyshit se ai është më ekzistent,” u shprehën studentët duke përsëritur se bojkotimi i auditoreve në Janar.

“Gjithashtu do të vijojmë të qendrojmë dhe këtu. Ftojmë të gjithë studentët që jetojnë në Tiranë, janë të lutur të na bashkohen. E gjithë kjo kauzë do të marrë një përfundim pozitiv që kërksat tona të përmbushen. Gjatë ditëve në vijim edhe diaspora do të na bashkohet me këtë kauzë. Jemi këtu për të ngjallur shpresën e një shqiptari për një të ardhme më të mirë. Kushdo që ndjen veten të përfaqësuar në kauzën tonë i ftoj me zemër që të bëhen pjesë e kerkesave tona,” u shprehën studentët duke shtuar se ndonëse kjo protestë i është nënshtruar një terri iformativ dhe ata janë pak në numër, ata do të vazhdojnë protestën e tyre.

Me këtë rast ata i bënë thirrje çdo studenti dhe çdo qytetari në Tiranë ti bashkohen kauzës së tyre, duke protestuar çdo ditë nga ora 10:00-12:00 para kryeministrisë.