Protesta e Studentëve/ Plani B i Edi Ramës, po e kap protestën me dhunë…

Kur u pyet në fund të vitit 2018, nëse ka Plan B për zgjidhjen e çështjes së studentëve, kryeministri Edi Rama tha se do ta kap protestën:

“Do ta kap dhe protestën siç kam kapur të gjithë të tjerat!”

Shumë vetë e interpretuan si shaka disa madje si ironi, por paralajmërimi i djeshëm i Zv/kryeministrit Braçe, dhe ndërhyrja me dhunë e policisë së shtetit, aty ku derdhen miliona euro për të garantuar sigurinë nga policia private, tregon se Edi Rama ka humbur durimin dhe po fillon me Planin B.

Pasi prenë mbrëmë dritat me anë të OSSHE, bëri përpjekjen për ti nxjerrë jashtë edhe me polici private, Edi Rama sot futi në lojë policinë e ish-gjeneralit Lleshaj, sepse studentët nën dritën e qirinjve morën një vendim në ambientet e Fakultetit Ekonomik që nuk i kishte parashikuar as Plani B i kryeministrit:

“Pas shumë mbledhjeve të organizuara, ne si studentë të Fakultetit të Ekonomisë sot fillojmë ngujimin. Kjo është vendosur dhe ne kërkojmë që të bashkohen edhe universitetet e tjera. Ne kemi vendosur të qëndrojmë ditën dhe natën të ngujuar” theksohej në deklaratë duke sqaruar se qëllimi kryesor është realizimi i 8 pikave gjë për të cilën ata u bënë thirrje për solidaritet dhe kolegëve të fakulteteve të tjera.

Nga ana tjetër, studentët e Fakultetit Juridik që iu bashkuan thirrjes për ngujim u përplasën që në orët e para të mëngjesit me policinë private, që kishte marrë urdhër të prishte qëndresën e tyre. Policia Private bëri përpjekje ti nxjerr studentët nga salla, duke tentuar ti kthen dhe karriget në salla por reagimi i studentëve ka qenë i menjëhershëm.

“Mos i prekni bankat, mos prekni me dorë studentët, mos guxoni të prekni vajzat,” filluan të regaojnë studentët duke i bërë të ditur Policisë Private dhe asaj të Shtetit se qëndresa e tyre nuk do të thyhet deri në plotësimin e 8 kërkesave të tyre.

Ish-Presidenti Sali Berisha para pak minutave postoi edhe dy video nga përplasja e studentëve me Policinë e Shtetit tek Fakulteti Juridik dhe Fakulteti Ekonomik:

Ndryshe, situata ndonëse mbetet e tensionuar dhe policia u largua është e paparashikueshme duke pasur parasysh qëllimet e kryeministrit Edi Rama.