Protesta e Studentëve/ Rama “gjen” fajtorin: Pedagogët nuk duan të bëjnë mësim…
Derisa Protesta e Studentëve vazhdon ashtu si edhe bojkoti i mësimit, studentët sot nga takimi i Kryeministrit Edi Rama me Koordinatorët e Bashkëqeverisjes me Qytetarët mësuan shumë.
E para, përkundër luftës që bënë me studentët në rrjetet sociale, dhe impenjimit për të publikuar VKM dhe vendime të tjera, u kuptua se kryeministri Edi Rama as që paska menduar për zgjidhjen e 8 kërkesave të studentëve, aq më pak asaj të fundit, kërkesës së nëntë, për anulimin e Ligjit për Arsimin e Lartë.
E dyta, në vend se të zgjidhë kërkesat për të kuruar situatën nga Ligji për Arsimit e Lartë, kuptohet tashmë se Edi Rama paska qenë në kërkim të “fajtorit” se kush i organizon protestat e studentëve, dhe, e gjeti. Sipas Edi Ramës, pedagogët janë ata që nuk duan të bëjnë mësim, dhe dëshirojnë të rrinë kafeve duke lënë studentët rrugëve.
Dhe, lum si studentët që kanë këtë kryeministër, I cili në vend se të mendoj për anulimin e Lijgit të Arsimit të Lartë ai thekson me këtë rast se janë pedagogët ata që kanë frikë nga ky Ligj dhe reforma që po vijon, madje me emër konkret, Rektorin e Universitetit të Tiranës. “Siç ka drejtues universitetesh për arsye të frikës që kjo reformë do shkoj drejt tyre, duke filluar që nga rektori i Universitetit të Tiranës bëjnë lojën e nonë dajës,” tha ndër të tjera kryeministri i Unversitetit të Tiranës, Kamzës dhe gjithë Shqipërisë.
Pjesë nga fjala e Edi Ramës:
Studentëve ju thuhet, jo do paguani tarifat e plota, jo nuk kemi njoftim, jo kjo jo ajo. Po në shqipen e whatsapp-it thuhet ju nuk keni sytë që t’iu dalin, të tjerat janë qarta si drita e diellit. Qeveria ka marrë vendim, janë bërë publiken, janë publikuar në Fletoren Zyrtare, u është dërguar rektorëve dhe dekanëve. Qeveria do të paguajë 50% të tarifës së studimit, për të gjithë studentët, do të paguajë 100% për të gjithë ata që plotësojnë kriteret tjera. Tani këtë edhe bufat e parkut të liqenit e kanë marrë vesh nuk e paskan marrë vesh disa bufa të sekretarisë së universiteteve. Për mendimi tim kjo është e qëllimshme, për të dezinformuar, ashtu si kundër jam informuar nga shumë student që ka dhe pedagog që nuk duan të bëjnë mësim, ka pedagogë që refuzojnë të vazhdojnë mësimin qoftë dhe më një student që do të bëj mësim, por preferojnë që t’i lënë studentët rrugëve se duan të rrinë vetë nëpër kafe. Siç ka drejtues universitetesh për arsye të frikës që kjo reformë do shkoj drejt tyre, duke filluar që nga rektori i Universitetit të Tiranës bëjnë lojën e nonë dajës.
