Protesta e Studentëve/ Reagimi, PDIU: Dhjetori u kthye. Ky vend ka ende shpresë…

Pas shpërthimit të protestave të studentëve në gjithë Shqipërinë, PDIU reagon duke theksuar se mbështet protestën e studentëve dhe do të mbështesë çdo protestë të tyre sot e në vazhdim, duke refuzuar çdo akt arrogance e keqtrajtimi këtij brezi të mrekullueshëm të rinjsh.

“Studentët ishin ata që rrëzuan regjimin komunist, e si brezi me idealist i shoqërisë shqiptare kanë një status të paprekshëm, e janë mbi të gjitha palët. Kërkesat e tyre duhen dëgjuar e duhet plotësuar çdo kusht që rinia të shkollohet mirë,” thekson PDIU përmes një deklarate duke shtuar se ajo duhet të ketë një të ardhme në këtë vend ndërsa përfundon:

“Gjithshka për të rinjtë. Dhjetori u kthye. Ky vend ka ende shpresë!”

Ja deklarata  e plotë:

Studentët ishin ata që rrëzuan regjimin komunist, kërkesat e tyre duhen plotësuar,

Sot Tirana dhe disa qytete të Shqipërisë u ndezën nga prania e dhjetra mijëra studentëve që kërkonin të drejtat e tyre.

Studentët ishin ata që rrëzuan regjimin komunist, e si brezi me idealist i shoqërisë shqiptare kanë një status të paprekshëm, e janë mbi të gjitha palët. Kërkesat e tyre duhen dëgjuar e duhet plotësuar çdo kusht që rinia të shkollohet mire, e të ketë një të ardhme në këtë vend.

PDIU mbështet protestën e studentëve e deklaron se do të mbështesë çdo protestë të tyre sot e në vazhdim, duke refuzuar çdo akt arrogance e keqtrajtimi këtij brezi të mrekullueshëm të rinjsh. Gjithshka për të rinjtë. Dhjetori u kthye. Ky vend ka ende shpresë