Protesta e Studentëve/ Reagimi, Rama: Studentë, mos paguani…
Para fillimit të Protestave të Studentëve, sot studentët e Fakultetit të Inxhinierisë kanë bërë publik një njoftim i cili ka ardhur nga drejtuesit e këtij fakulteti, ku ju kërkohet që të paguajnë tarifat e plota të shkollës, reagon kryeministri Edi Rama duke u shprehur se “pengmarrësit e protestës studentore” po përpiqen të dezinformojmë studentët lidhur me pagesën e tarifës së studimit.
“Pengmarrësit që e degjeneruan protestën studentore në mbyllje dyersh me dhunë e në shfaqje rrugore të brutalitetit të injorancës, po përpiqen të dezinformojnë studentët lidhur me tarifat në bashkëpunim me disa fundërrina të universitetit! Askush të mos paguajë më shumë se 50%,” thekson Edi Rama përmes rrjetit social Twitter duke ju referuar sërish VKM-së së muajit dhjetor:
“Është miratuar në dhjetor VKM për të paguar 50% të tarifave për të gjithë (100% për ata me 9/10 e me ndihme ekonomike+burse 10 mije lek)dhe qeveria do t’ua kalojë lekët direkt universiteteve një për një brenda janarit!Fryma e qëllimet e protestës janë tanimë pjesë e rrugës sonë,” vazhdon kryeministri Edi Rama me demagogjinë e tijë ndërkohë drejtuesit e Fakultetit të Inxhinierisë e kanë bërë të qartë se deri në datën 28 Janar duhet të paguajnë tarifat e plota të shkollës. Ndërkohë studentët kanë vijuar protestën para kryeministrisë duke kundërshtuar këtë VKM dhe duke kërkuar plotësimin e 9 kërkesave të tyre.
Ja dhe postimi i plotë:
