Protesta e Studentëve/ Sot, Beteja me Parlamentin…

Pas tetë ditë protestash të studentëve nga i gjithë vendi dhe mospërfilljes së 8 kërkesave të tyre nga ana e kryeministrit Edi Rama, Këshillat studentore vendosën që të ndryshojnë sot jo vetëm natyrën dhe vendin e protestës por edhe atë të seancësplenare.

Sot, Këshillatstudentore nuk do ti japin kënaqësinë kryeministrit Edi Rama që të merret me përpjekjet për përçarjen e protestës, me çështjen nëse ajo do të zhvillohet pranë Ministrisë së Arsimit apo Kryeministrisë.

Këshillat studentore kanë vendosur që sot protesta të zhvendoset para Parlamentit të Shqipërisë, aty ku ligjvënësit e mazhorancës aktuale që katandisën Arsimin në këtë gjendje, zhvillojnë seancën e rregullt plenare:

“Njoftohet se nesër Dt: 13/12  do bëhet mbledhja në çdo universitet në orën 08:00-09:00. Marshimi do të bëhet drejt Parlamentit të Shqipërisë dhe në orën 10:00 fillon protesta për plotësimin e kërkesave të bërame dije nga Këshillat Studentorë,” thekson deklarata e Këshillave studentore.

Kështu, me ndryshimin e vendit të protestimit të studentëve sot mbetet për tu parë se cila do të jetë rrjedha e seancës plenare meqë kryeministri Edi Rama këtë nuk e bënë dot as me Facebook dhe as me Tëitter.

Dhe, sot nuk e parashikon dot as fundin e kësaj seance plenare, pasi evoluimii protestave nga minatorët, naftëtarët, të përndjekurit politikë, opozita, e deri tek banorët  e Unazës së Re, tashmë sjellë një protestim ndryshe, me të cilin, kryeministri Edi Rama nuk mund të tallet…