Protesta, FRPD: Rama ik! Kryeministri: S’kemi vaksina kundër tërbimit!

Një ditë pas dhunës policore në zyrat e FRD-së, të rinjtë e Partisë Demokratike janë grumbulluar para shkollës “4 Dëshmorët” ku u shfaq Edi Rama për të inspektuar vaksinimin e mësuesve ndërsa u prit me brohoritket “Rama ik”. Jo civil si gjithmonë, edhe në këtë rast duke shprehur keqardhje tha se nuk ka vaksinim për tërbimin.

“Vaksinim për tërbimin për fatin e keq nuk e kemi, dhe do të duhet të jetojmë me shfaqje të tërbimit të kësaj natyre, e rëndësishme është që të luftojmë armikun e padukshëm,” tha Edi Rama dhe ndërsa të rinjtë nuk po i largonte dot e largoi gazetaren në detyrë. Nuk kishte maskë! Kaq mjaftoi njeriut i cili ka hartuar Aktin Normativ dhe u akuzua se i jep urdhëra Komitetit Teknik e Policisë, dhe sot e zbatoi në vepër. Ndonëse para ardhjes së tij tek shkolla “4 Shkurti” më shumë kishte policë se qytetarë në Tiranë, ai i kërkoi gazetares llogari për maskën dhe e largoi dhunshëm deri sa po fliste ministrja e Shëndetësisë, Ogerta Manastirliu.

Ndryshe, nga shpërthimi i pandemisë shqiptarët kishin rastin të shohin se orë policore quhet vetëm ajo që shpallet nga Rama, të moshuarit mund të dalin vetëm kur thotë Kryeministri më i gjati, vaksinat Anticovid nuk guxojnë të aterojnë në Shqipëri kur Kryeministri Edi Rama nuk është Shqipëri, dhe sot e panë se bënë dhe detyrën e policit ndërsa presin me entuziazëm ta shohin si pilot i avionit që sjell vaksina, e me aftësitë që ka edhe si vaksinë!