Protesta Kombëtare e PD, angazhohen 1200 policë, Avokati i Popullit: Do monitorojmë çdo shkelje…

Derisa për Protestën Kombëtare të Partisë Demokratike që mbahet sot në orën 20:00, Policia e Shtetit ka publikuar planin e masave dhe thotë se ka vënë në gatishmëri mbi 1200 forca të policisë, ka reaguar Avokati i Popullit duke e bërë të qartë se do ta monitorojë protestën dhe çdo aspekt të shkeljes së të drejtave të njeriut. 

Mësohet se 1200 forca të policisë, ku nga Rendi dhe Shqiponjat do të pozicionohen përballë protestuesve me një kordon përgjatë perimetrit të Kryeministrisë ndërsa forcat e FNSH do të jenë në gatishmëri në pjesën e pasme, ndërsa kamera e vendosura të sigurisë me rezolucion të lartë, pritet të jenë dhe arma kryesore që ka përdor policia për keqtrajtimin e protestuesëve pasi të jetë përfunduar protesta.

Në prag të protestës, mediat në shërbim të Edi Ramës raportojnë se në gatishmëri janë dhe forcat RENEA, autobotë me ujë, agjentë civilë ndërsa dyert e Kryeministrisë janë blinduar me veshje metalike.

Ndërkohë në këto momente tensioni që sajohen nga propaganda rilindase ka reaguar Avokati i Popullit duke bërë të ditur se do të monitoron protestën opozitare që zhvillohet sot në mbrëmje.

“Avokati i Popullit thekson se organet e rendit janë të pranishme në protesta për të siguruar që të garantohet ushtrimi i qetë i të drejtës për të protestuar. Ndërkohë, veprimet e dhunshme, qofshin ato edhe sporadike, nuk janë zgjidhje, por përshkallëzojnë konfliktin dhe cënojnë të drejtën e protestuesve paqësorë që të ushtrojnë të qetë të drejtën e tyre për të shprehur solidaritetin në lidhje me qëllimin e protestës,” thekson Avokati i Popullit përmes një njoftimi duke siguruar se çdo aspekt i shkeljes së të drejtave të njeriut në këtë protestë do të jetë i monitoruar nga grupet në terren dhe do të raportohet në përputhje me detyrimet tona ligjore ndërsa përfundon:

“Së bashku, mund të sigurojmë që kjo protestë të zhvillohet në mënyrë të qetë, duke treguar se si një shoqëri demokratike mund të zgjidhë mosmarrëveshjet me dialog dhe respekt të ndërsjellë.”

Ndryshe, segmentet rrugore që do bllokohen dy orë para nisjes së protestës derin në përfundim të saj janë:

Bulevardi “Dëshmorët e Kombit”, sheshi “Nënë Tereza”, rruga “Ismail Qemali”, nga kryqëzimi i rrugës së Elbasanit me rrugën “Ibrahim Rugova”, rruga “Papa Gjon Pali II”, bulevardi “Zhan D’Ark” dhe bulevardi “Bajram Curri”, nga kryqëzimi i Rrugës së Elbasanit me rrugën “Ibrahim Rugova”.