Protesta masive në Londër kundër masave për koronavirusin

Mijëra kundërshtarë të masave kundër përhapjes së koronavirusit, si dhe kundërshtarë të vaksinës, janë mbledhur në qendër të Londrës për të protestuar përkundër paralajmërimit të policisë për shkeljen e masave për distancim fizik.

Në mesin e folësve ishte dhe teoricienti i komploteve, David Icke:

“Liri! Liri!” thërriste me zë të lartë Icke në protestën e cila u emërtua: “Ne nuk jemi dakord.”

Disa nga parullat në protestë ishin: “Jo vaksinimit të detyruar”, “Ju q*fsha vaksinën tuaj” dhe “Covid-1984”, duke ju referuar romanit të njohur të George Orwell 1984.

Pas disa përplasjeve me protestuesit policia zbrazi Sheshin Trafalgar në Londër me ç’rast u plagosën disa persona.

Policia tha se ishte e detyruar ta shpërndajë protestën sepse protestuesit nuk respektuan distanën dhe nuk mbanin maska.

“Kemi ardhur këtu për të treguar publikisht vetërespektin individual dhe kolektiv,” tha Icke duke përfunduar:

“Nuk do ta dorëzojmë kontrollin e jetës tonë dhe jetët e fëmijëve tanë në duart e njerëve si ministri i punëve të jashtme, Matt Hancocka.”