Protesta në Shkodër, policia bën bilancin e dëmeve

Pas protestës në Shkodër kundër vrasjes së 25-vjeçarit Klodian Rasha nga policia, ku u sulmua dhe selia e Partisë Socialiste ndërsa u akuzua opozita nga Kryeministri Edi Rama, ka reaguar zyrtarisht edhe Policia e Shtetit duke bërë bilancim e dëmeve por pa përdorur gjuhën e Kryeministrit.

Njoftimi i policisë:

Gjatë tubimit të paligjshëm të zhvilluar sot në orën 11:00, ku pjesëmarrësit filluan lëvizjen nga sheshi Luigj Gurakuqi drejt pedonales se qytetit, para Prefektures dhe gjate marshimit kanë ndaluar ne rrugen Willson.

Pjesmarrësit në tubim kanë demtuar me sende të forta godinën e një subjekti politik duke thyer e shkatërruar dritaret dhe dyert e më pas nxorrën dhe dogjën bazën materiale që ishte në brendësi të godinës.

Gjithashtu gjatë tubimit është gjuajtur me sende të forta në drejtim të Policisë dhe për pasojë është plagosur një nga punonjësit e Policisë të Forcës së Posaçme Shqiponja i cili u dërgua menjëherë në Spitalin Rajonal Shkodër për mjekim.