Protesta para Bashkisë Tiranë, Teliti: Jetesa jonë po rëndohet, duhet të veprojmë me çdo mjet!

Nuk u mjaftuan me këtë vit, që grabitën e vodhën 12 milion euro me një incinerator që nuk ekziston, por vitin që vjen do vjedhin 13 milionë euro; Ndërkohë për 62 mijë familje me ndihmë ekonomike zero fonde shtesë, tha sot kreu i këshilltarëve bashkiakë të PD, Dorial Teliti, para qytetarëve pjesëmarr në protestën para Bashkisë Tiranë ku opozita vazhdon të kërkoj largimin e Erion Veliajt si pronari faktik i inceneratorit që nuk ekziston të Tiranës dhe përgjegjës direkt i vjedhjeve skandaloze me 5D.

Ndërsa anëtarja e Këshillit Bashkiak të Tiranës nga radhët e PD, Ilda Zhulali, tha se era më e rëndë e Tiranës sot është era e korrupsionit dhe vjedhjes, ndësa u zotua se opozita do të qëndrojë këtu deri sa ta pastrojë Tiranën dhe Shqipërinë nga era e korrupsionit vjedhjes dhe Krimit.

“Përshëndetje të gjithëve, qëndrestarë, njerëz të lirë, njerëz që e doni lkëtë qytet, që doni familjet tuaja. Që e doni këtë vend që të jete gjithnjë e më i mirë. Ju e keni parë që dje në Kuvendin e Shqipërisë u diskutua përsëri për buxhetin, për atë që kaloi dhe për atë që na ka servirur Edi Rama për vitin e ardhshëm. A e dini se disa vite me parë Edi Rama bashkë me klientin e tij Erion Veliaj shpallën emergjencë kombëtare për plehrat dhe morën 132 milonë euro për një incenerator që nuk ekziston, për dy të tjerë që nuk punojnë.

Mirëpo Edi Rama nuk ka sy të shohë që sot Shqipëria është në kushtet e një emergjence kombëtare. Duhet të shpallet emergjenca kombëtare për pensionistët. Edi Rama në buxhetin e ardhshëm u ka dhënë 16 milionë euro pensionistëve, i ka dhënë 12 milionë euro inceneratorit që nuk ekziston. Aq sa ekziston për Edi Ramën inceneratori i Tiranës aq ekzistojnë edhe pensionistët,” tha anëtarja e Këshillit Bashkiak të Tiranës nga radhët e PD, Ilda Zhulali, duke përfunduar:

“Edi Ramës që e betonizoi Tiranën bashke me Veliajn, ju desh një kopsht i parajsës dhe 4 milonë euro i gjeti Edi Rama urgjent për të bërë kopshtin tek ballkoni i tij në Kryeministri. Tiranën e shkatërroi e betonizoi dhe sot Tirana vjen kudo era e ujrave të zeza. Mirëpo era më e rëndë e Tiranës sot është era e korrupsionit dhe vjedhjes. Ne do të qëndrojmë këtu deri sa ta pastrojmë Tiranën dhe ta pastrojmë Shqipërinë nga era e korrupsionit vjedhjes dhe Krimit.”

Ndërkohë që ne protestojmë çdo ditë e javë në rrugët e Shqipërisë apo para Bashkisë Tiranë, tha eksperti i ekonomisë Dorian Teliti, fatkeqësisht në krye të punëve ato vazhdojnë e grabisin, tjetërsojnë prona private për interes të miqve të tyre, vazhdojnë të vjedhin buxhetin e shtetit siç kanë planifikur edhe për vitin e ardhshëm.

“Qëndrestarë me qytetari në shpirtin tuaj që kurrë nuk u dorëzuat para çdo presioni të pushtetit të veshur edhe me petkun e kapeleve policore. Rezistenca jonë tashmë është bërë simbol në çdo bisedë familjare, qytetare, takime apo tryeza flitet për këtë qëndresë të qytetarëve të Shqipërisë deri në largimin e Veliaj, Ballukut e shefit të tyre politik, Edi Ramës.

Ndërkohë që ne protestojmë çdo ditë e javë në  rugë e Shqipërisë apo para bashkisë së Tiranës, fatkeqësisht në krye të punëve ato vazhdojnë e grabisin, tjetërsojnë prona private për interes të miqve të tyre, vazhdojnë të vjedhin buxhetin e shtetit siç kanë planifikur edhe për vitin e ardhshëm.

Nuk u mjaftuan me këtë vit, që grabitën e vodhën 12 milion euro me një incinerator që nuk ekziston, por vitin që vjen do vjedhin 13 milionë euro.

Nuk u mjaftuarn që këtë vit vodhën 17 milionë euro për PPP e sterilizimit, e cila sot nuk është në hetim, por është në gjykim, vitin tjetër do vjedhin 19 milionë euro.

Ndërkohë për 62 mijë familje me ndihmë ekonomike zero fonde shtesë, zero shtesë për familjet që në gjirin e tyre kanë persona me aftësi të kufizuar.

Dhanë një lëmoshë edhe për pensionistët me një retorikë që tashmë duhet të marrë ndëshkimin e merituar,” tha Dorian Teliti duke konstatuar gjendjen e mjerueshme që po vazhdon ende, mësimin me dy turne në shkolla, mungesën e kopshteve e çerdheve, gjithmonë e më shumë trafik, biznesi vazhdon të dëmtohet ndërsa përfundoi:

“Po vazhdon të rëndohet jetesa jonë, sepse këta nuk e kanë mendjen t’i shërbejnë Tiranës e Shqipërisë, por e kanë mendjen që tu shërbehet miqve të tyre, dhe bashkëpunëtorëve të tyre.

Kjo gjë duhet të shkojë drejt fundit, duhet të veprojmë me çdo mjet, mosbindja civile duhet të udhëheqë çdo protestë, sepse ndonëse ne flasim me të drejtën e zotit e me fakte, ata që janë ende në krye të punës Rama-Veliaj-Balluku vazhdojnë të bëjnë kërdinë.”