Protesta para Bashkisë Tiranë, Teliti: Qëndresa jonë do sjellë ndryshimin e madh

Duke e konfirmuar kërcënimin nga patronizhistët për të gjithë ata qytetarë që vazhdojnë të protestojnë para Bashkisë Tiranë, Kryetari i Grupit të këshilltarëve të PD në Këshillin Bashkiak Tiranë, Dorian Teliti, siguroi se kjo qëndresë do sjellë ndryshimin e madh.

“Shumë prej jush edhe janë kërcënuar nga trupa e patronazhistëve, ju nuk u trembët. Kjo do të sjellë ndryshimin e madh në Tiranë e shqipëri. Me të drejtë jeni ankuar për betonizimin e Tiranë. Po s’keni parë gjë akoma, të dhënat e satfit të Veliajt të betonit kanë zyrtarizuar se në 9 muajt e parë janë dhënë 3.2 herë më shumë m2 leje ndërtimi. Të mbinë në sheshet e Tiranës, hapësirat, parqe dhe lulishtet e Tiranës, ndërtimet,” tha Dorian Teliti duke fol për gjëra me të cilat duhet të mërret drejtësia e prokuroria, siç tha ai, e jo të sajojë akuza të rreme për drejtuesit e opozitës, të mbajë në arrest shtëpie Berishën.

“Prokuria e gjykata të merret me ata që bëjnë në Tiranë shkatërrime, të mërret me vjedhjet, mashtrimet e abuzimet. Për 5D, që ende nuk kanë thënë asgjë, 132 mln euro për incienratorin e Tiranës. Me këto  të merren e jo me akuza false për drejtuesit e opozitës. Të merren me ata që marrin pronën private e publike, duke shkelur kushtetutën e ligjet. Të merren me ata që kushtetutën e grisin e s’respektojnë mandatin e opozitës,” tha Kryetari i Grupit të këshilltarëve të PD në Këshillin Bashkiak Tiranë duke shtuar se opozita është thirrur në një betejë që askush prej tyre s’e donte.

“Betejë për të mbrojtur kushtetutën, na kanë thirrur e këtë betejë ne do ta fitojmë. Ndryshe Shqipëria bie në dikaturë, fjala e lirë, sipërmarrja e lirë nuk do të ekzistojmë më. Të qëndrojmë fort me çdo mjet demokratik të mosbindjes civile. Ndryshe Shqipëria bie në diktaturë,” tha Kryetari i Grupit të këshilltarëve të PD në Këshillin Bashkiak Tiranë, Dorian Teliti, duke ranatuar:

“Ne s’do të lejojmë të instalohet në vendin tonë. Ne do ta bëjmë Shqipërinë vend evropian. Duhet të qëndrojmë të bashkuar.”

Ndryshe, qytetarët filluan protestën para Bashkisë Tiranë pas skandalit që shpërtheu me kompaninë 5D të njerëzve të Kryetarit Erion Veliaj.