Protesta para Bashkisë Tiranë, thirrje SPAK: Ke dhjetëra denoncime, çoi para drejtësisë fajtorët

Protesta e sotme para Bashkisë Tiranë kishte mesazh të qartë për Prokurorinë e Posaçme kundër Korrupsionit dhe Krimit të Organizuar, ku Partia Demokratike ka bërë dhjetëra denoncime, dhe tashmë pret nga SPAK që ti shqyrtoi dhe ti çoi para drejtësisë fajtorët!

Edhe në temperaturat e sotme përvëluese, protestues kundër Kryetarit të Bashkisë, Erion Veliaj, dhe bandës së tij kriminale “5 D” nuk munguan ndërsa Nënkryetari i Këshillit Bashkiak të Tiranës, Dorian Teliti, tha se prindërit e tyre hodhën poshtë diktaturën, atyre u takon të hedhin poshtë këtë regjim.

“Sot edhe pse dita më e nxehtë e verës, qytetarët nuk ndalojnë së protestuari e për të kërkuar të drejtat tona.

Policët që sot e ruajnë do të jenë ata që do t’i vënë prangat pasie drejta do të triumfojë. Prindërit tanë hodhën poshtë diktaturën, ne na takon të hedhim poshtë këtë regjim,” tha Dorian Teliti duke shprehur bindjen se nuk ka forcë që e ndal popullin të fitojë të drejtat.

“Sot Shqipëria e opozitarët të bashkuar nën flamurin e PD, nuk do të dorëzohemi. Sepse jemi me të drejtën e të vërtetën. Nuk ka forcë që e ndal popullin të fitojë të drejtat,” Nënkryetari i Këshillit Bashkiak të Tiranës, Dorian Teliti, ndërsa i bëri thirrje SPAK:

“Ke dhjetëra denoncime në tavolinë, qindra faqe dosje, merri e shqyrtoi dhe çoi para drejtësisë fajtorët!”