Protesta para Kryeministrisë, gjobiten dhe procedohen penalisht 15 qytetarë

Nis procedimi penal ndaj 15 qytetarëve që protestuan dje para Kryeministrisë kundër vendimit për përdorimin e maskave me detyrim ndërkohë në zbatim të Aktit Normativ janë vënë edhe gjoba.

“Nga specialistët për Hetimin e Krimit në Komisariatin e Policisë Nr.2, filloi procedimi penal ndaj 15 shtetasve, pasi ditën e djeshme në bulevardin “Dëshmorët e Kombit”, kanë organizuar dhe protestuar në kundërshtim me masat anti-covid,” thekson Policia e Shtetit përmes një njoftimi duke shtuar:

“Gjithashtu në zbatim të Aktit Normativ, shërbimet e Policisë kanë proceduar me masat administrative përkatëse gjobë për 15 shtetasit.”