Protesta, PD: Edi Rama duhet të mbajë premtimet që u ka dhënë naftëtarëve!

Pas dhunës që përdori policia kundër naftëtarëve të Ballshit që po protestonin para Ministrisë së Infrastrukturës dhe Energjetikës, ka reaguar Partia Demokratike duke theksuar se Policia e Shtetit nuk duhet të përdoret kundër qytetarëve ndërsa duhet të mbajë premtimet që u ka dhënë naftëtarëve.

“Naftëtarët janë në të drejtën e tyre për të kërkuar pagat e prapambetura dhe vijimin e punës. Qytetarët nuk mund të shfrytëzohen, të mos paguhen dhe, në vend të zgjidhjes, të dhunohen nga Policia. Kjo është e turpshme!,” thekson Partia Demokratike në reagimn e saj duke shtuar se Edi Rama nuk duhet të fshihet pas punonjësve të Policisë, por duhet të mbajë premtimet që u ka dhënë naftëtarëve.

“Të autorizojë Belinda Ballukun që të presë përfaqësinë e naftëtarëve! Qeveria duhet të dëgjojë zërin e naftëtarëve dhe t’u zgjidhë problemin pa vonesa dhe mashtrime të tjera.”

Reagimi:

Policia e Shtetit nuk duhet të përdoret kundër qytetarëve. Naftëtarët janë në të drejtën e tyre për të kërkuar pagat e prapambetura dhe vijimin e punës. Qytetarët nuk mund të shfrytëzohen, të mos paguhen dhe, në vend të zgjidhjes, të dhunohen nga Policia.

Kjo është e turpshme!

Edi Rama nuk duhet të fshihet pas punonjësve të Policisë! Ai duhet të mbajë premtimet që u ka dhënë naftëtarëve. Të autorizojë Belinda Ballukun që të presë përfaqësinë e naftëtarëve!

Qeveria duhet të dëgjojë zërin e naftëtarëve dhe t’u zgjidhë problemin pa vonesa dhe mashtrime të tjera.

Policia e Shtetit nuk duhet të jetë përballë qytetarëve, por përballë atyre që e vjedhur Rafinerinë e Ballshit.