Protesta për Teatrin/ S’tërhiqet, Rama: Teatri i ri Kombëtar do të ndërtohet dhe…

Derisa tek Teatri Kombëtar radhët e Aleancës për Mbrojtjen e Teatrit sa shkon dhe shtohen ndërsa shprehet vendosmëri për mbrojtjen e Teatrit edhe në përballje me dhunën policore, reagon Kryeministri Edi Rama duke u shprehur gjithashtu i vendosur se Teatri i ri Kombëtar do të ndërtohet dhe kush s’është dakord është i respektuar, por s’ka as mandat as të drejtë të pengojë:

“Asnjë minorancë nuk mund të marrë peng asgjë e askënd në këtë vend. Megjithë respektin për një minorancë aktorësh teatri dhe politikanësh që s’kanë hyrë kurrë në teatër, po janë mësuar të bëjnë teatër me çdo gjë, Teatri i ri Kombëtar do të ndërtohet si plan e përgjegjësi qeverisëse,” thekson Edi Rama në reagimin e tij përmes rrjetit social Twitter duke e bërë të qartë se nuk do të tërhiqet:

“Teatrin e ri Kombëtar e kërkon kryeqyteti, vendi, kombi e shumica e komunitetit të artistëve të skenës. Njësoj si Stadiumi i Ri kombëtar ai do të jetë një gur kilometrik në rrugën e Shqipërisë që duam. Kush s’është dakord është i respektuar,po s’ka as mandat as të drejtë të pengojë.”