Protesta qytetare, Nënkryetari i Këshillit Bashkiak Tiranë: Jemi të vjedhur, nuk jemi të varfër!

Protesta qytetare kundër vjedhjeve në Bashkinë e Tiranës edhe sot u përballë me arrogancën e administratës së kryebashkiakut Erion Velia dhe policisë së Edi Ramës që nuk lejuan as këshilltarët bashkiak të opozitës të futen në bashki.

Nënkryetari i Këshillit Bashkiak Tiranë, Dorian Teliti, që është nga radhët e opozitës, duke i bëri thirrje policisë të hapin rrugën dhe të lejojnë këshilltarët bashkiak të kryejnë detyrën e të zgjedhurëve të qytetarëve, tha se e vërteta është se 30 milionë euro që ka vjedhur Erion Veliaj me bandën e tij mund t’i shërbenin shumë Tiranës, mund të ndihmonin 1200 familje të pastreha që të strehoheshin.

“Të dashur protestues, shikojeni frikën që ka kapluar Erion Velinë. Të rrethuar për të tretën herë nga policë duke i vendosur zinxhirin derës, kanë mbyllur sot bashkinë, bashkinë që është e qytetarëve, nuk është e tij.

Bashkia që duhet të jëtë e hapur në orar zyrtar pune. Sot është e mbyllur për t’u dhënë shërbime qytetarëve. Është e mbyllur për t’u dhënë përgjigje halleve të qytetarëve. Por është e hapur për afera korruptive. Janë të mbyllur për ju, por janë të hapur ndaj vjedhjes.

Janë të mbyllur për biznesin, por të hapur për të mbledhur taksat dhe për të vendosur gjoba. Janë të mbyllur për njerëzit e thjeshtë, por të hapur për të bërë afera me inceneratorët dhe 5D,” tha Dorian Teliti duke përfunduar:

“Jemi të vjedhur nuk jemi të verfër. E verteta është se 30 milionë euro që ka vjedhur Erion Veliaj me bandën e tij mund t’i shërbenin shumë Tiranës, mund të ndihmonin 1200 familje të pastreha që të strehoheshin. Do të bëhej e mundur që me 30 milionë euro të paguheshin 8 vjet ushqime për çerdhet dhe kopshtet.”

Përveç forcave të mëdha policore, protesta e qytetarëve para Bashkisë së Tiranës u provokua edhe nga policë të infiltruar që nxisnin turmën në përdorimin e dhunës.

Dy prej tyre u identifikuan nga Sekretari i Përgjithshëm i Partisë Demokratike, Flamur Noka, të cilët protestuesit i dëbuan nga protesta ashtu siç vepruan dhe me një patronazhist të Erion Velisë i cili u kap duke filmuar protestuesit me celular.

Në këtë situatë, përpjekjet e Sekretarit të Përgjithshëm të Partisë Demokratike, Flamur Noka, për të qetësuar situatën e provokuar nga strukturat shtetërore, luftoheshin nga arroganca e policisë e cila pa nevojë përdori forcë edhe kundër këshilltarëve bashkiak të opozitës që bënë përpjekje të futen edhe në ato tre zyra që Kryetari i Bashkisë Tiranë, Erion Veliaj, u ka vënë në dispozicion.

Shprehja e revoltës së të rinjëve opozitarë me gjuajtje vezësh dhe molotov ishin dhe arsyet që mediat nën kontrollin e Erion Velisë filluan të transmetojnë protestën qytetare para Bashkisë Tiranë, duke raportuar jo për kërkesat qytetare por për molotov opozitar që dëmtojnë pronën shtetërore, ndonëse kemi të bëjmë me portën e bashkisë e cila ka ngelur si e vetmja pa u vjedhur nga pushteti aktual!