Protesta të mëdha në Gjermani, traktorët bllokojnë gjithçka. Flitet për grusht shteti!

Bllokim rrugësh, kolona kilometrike të automjeteve, bllokim trafiku. Kjo është pasqyra e mëngjesit në Gjermani pasi filluan protestat e fermerëve kundër heqjes së subvencioneve, policia është gjendje gatishmërie.

Sot Deutsche Welle raporton se praktikisht nuk ka pjesë të Gjermanisë që do të funksionoj normalisht.

Në rrugë janë qindra traktorë, të cilën fermerët gjermanë e kanë paralajmëruar si protestën më të madhe në histori.

Tabloidi Bild ka publikuar hartën e qyteteve me rrugë që do të bllokohen. Autoritetet i kanë bërë thirrje qytetarëve që sot të shfrytëzojnë transportin hekurudhor dhe të heqin dorë nga lëvizja me makinë. Sipërmarrësit i rekomandojnë njerëzve të punojnë nga shtëpitë ose prej aty ku kanë mundësi, ndërsa shkollat do t’i arsyetojnë mungesat e fëmijëve.

Zv/Kancelari i Gjermanisë, Robert Habeck, tha se protestat i kanë marrë nën kontroll forcat ekstremiste, raporton Agjencia e lajmeve DPA.

“Qarkullojnë thirrje dhe fantazi për grusht shteti. Po krijohen grupe ekstremiste, hapur po shfaqen simbole nacionaliste,” tha Habeck.