Protesta, Teliti: Tirana dhe Shqipëria do jenë këtu gjer në dorëheqjen e Erion Veliajt dhe Edi Ramës

Edhe sot qytetarët e Tiranës vazhduan me protestën para bashkisë, kreu i së cilës, Erion Veliaj vazhdon të jetë indiferent edhe pas shpërthimit të skandalit “5D” për të cilën në SPAK te Erion Veliaj më shumë ka gjetë aleatin se sa institucionin që kërkon drejtësinë.

Kreu i këshilltarëve të Partisë Demokratike në Këshillin Bashkiak të Tiranës, Dorian Teliti, e bëri të qartë edhe sot para protestuesëve se ata nuk do tërhiqen gjer në arritjen e objektivit.

“Kjo bashki mbyllet me zinxhirë se nuk kanë kurajo të përballen me shkeljen që kanë bërë. Kjo është bashkia që ka hedhur në kosh të plehrave të ardhmen tonë dhe të fëmijëve tanë.

Ne nuk tërhiqemi, do të qëndrojmë këtu çdo javë gjer në arritjen e objektivit, vendosjen përpara drejtësisë të atyre që kanë kryer aferat korruptive.

Jemi betuar në Kushtetutë dhe flamur se mbrojtja e interesit të qytetarëve ëshët misioni ynë i vetëm. Të ndalojmë abuzimin me të ardhmen e fëmijëve tonë,” tha kreu i këshilltarëve të PD në Këshillin Bashkiak të Tiranës, Dorian Teliti, duke përfunduar:

Qëndresa është këtu, Tirana është këtu, Shqipëria do jetë këtu gjer në dorëheqjen e Erion Veliajt dhe shefit të tij, kryeministrit Edi Rama. Ata të dy bashkë janë bashkëfajtorë për këtë Tiranë dhe Shqipëri të mjerë.” 

Këshilltarët opozitarë të Këshillit Bashiak Tiranë sërish kanë tentuar të futen në zyrat e tyre dhe janë ndaluar Policia e Shtetit pa dhënë ndonjë arsye, ndërsa ndaj indiferencës së Kryetarit të Bashkisë Tiranë, Erion Veliaj, kanë reaguar edhe sot qytetarët duke hedhur vezë, fruta e perime si dhe mjete të ndryshme piroteknike në portën e bashkisë së bërë pis nga krimi dhe korrupsioni i drejtusve të saj socialistë.