Protestat/ Akuzat e Kryeministrit, PD: Rama provokon dhe nxit përshkallëzimin e situatës
Pas akuzave të përsëritura të Kryeministrit Edi Rama për protestat që zhvillohen kundë vrasjes së 25-vjeçarit Klodian Rasha nga policia, ka reaguar Partia Demokratike përmes Nënkryetarit Edi Paloka duke tehksuar se Rama vazhdon të provokojë, duke nxitur përshkallëzimin e situatës duke i lënë fajin të tjerëve.
“Rama vazhdon të provokojë e manipulojë duke nxitur kështu përshkallëzimin e situatës e duke dashur si gjithnjë ta gjej fajin tek të tjerët. Çdo kryeministër normal do të përpiqej të qetësonte situatën e të jepte mesazhe paqtuese, po jo Rama!” tha Edi Paloka në reagimin e tij duke i bërë të qartë Kryeministrit Edi Rama të harrojë atë që ka në kokë:
“Ta harrojë se do manipulojë e deformojë vullnetin e një populli që po shpërthen nga zemërimi dhe urrejtja. Harroje të prekësh votat e shqiptarëve më 25 prill, ndryshe nuk do kesh mundësi të fshihesh në realitetet virtuale që krijon vetë!
Reagimi i plotë:
Rama vazhdon te provokoje e manipuloje duke nxitur keshtu pershkallezimin e situates e duke dashur si gjithnje ta gjej fajin tek te tjeret. Cdo kryeminister normal do te perpiqej te qetesonte situaten e te jepte mesazhe paqtuese , po jo Rama!
Mbreme te rinjte e revoltuar i quajti “lukuni halabakesh” e “te paguar nga opozita”. Sot ben te njejten gje. Me qellim nuk pranon ta shoh realitetin ne sy po perpiqet ta manipuloje sic ben rendom!
Kete bente dhe Ramiz Alia ne ‘91…Kete beri dhe Caushesku me pare…!
Ne se Rama i beson ato qe thote dhe ka vendosur te bej arrogantin dhe cubin deri ne fund , atehere kot nuk ben Rucin minister te brendshem e ta dergoj dhe nje here ne Shkoder…!
Po ata qe e njohin mire Ramen e dijne dhe deri ku i arrijne keto shfaqjet me arrogance dhe si transformohet ne nje jargavites qaraman sapo ta shoh qe ka mbetur i vetem perball zemerimit te ligjshem!
E ne se eshte dikush qe duhet “ta harroje” ate qe ka ne koke, eshte pikerisht Rama; ta harroje se do manipuloje e deformoje vullnetin e nje populli qe po shperthen nga zemerimi dhe urrejtja. Harroje te prekesh votat e shqiptareve me 25 prill, ndryshe nuk do kesh mundesi te fshihesh ne realitetet virtuale qe krijon vete!
