Protestat në gjyq, Balliu: Janë presione politike të Edi Ramës!

Procesi gjyqësor ndaj Ish-Deputetit të Partisë Demokratike, Klevis Balliu, për protestat e banorëve të Unazës së Re dhe përplasjet me policinë ka nisur me shtyrje.

Këtë veprim të Gjykatës, Klevis Balliu e konsideron presion politik ndërsa konstaton se drejtësa nuk funksionon. Çështje të tjera, tha Balliu, kallëzimin e një prej të cilave e ka depozituar vetë në Prokurori nuk hetohen, dhe me këtë rast përmendi prokuroren Elisabeta Imeraj, shtëpia e së cilës nuk preket nga projekti i Unazës së Re.

“Njoftojnë 3 persona, nuk njoftojnë të katërtin, z.Elton Skënderi, pavarësisht se ishte bashkë me ne. Këto gjyqe po shfrytëzohen nga Edi Rama vetëm për presione politike. Doja t’i bëja thirrje qytetarëve shqiptarë, këtu po shkelen ligjet, Kushtetuta dhe të drejtat e njeriut. Edi Rama është zëdhënës, përfaqësues e partner i krimit të organizuar.”

Në rastin konkret, tha Balliu, kemi një mbështetje që është mbështetja e qytetarëve, e sovranit të vendit, ndaj këto presione nuk funksionojnë.

“Ju them qytetarëve të hapin sytë e të shohin çfarë po ndodh. Janë 100 çështje në Gjykata për qytetarë. Nëpër gjykata nuk i sjell ligji, kushtetuta por Edi Rama me urdhra politikë dhe me asgjë tjetër. Prokuroria nuk e di për çfarë akuzon.”

Fillimisht thanë se kam thyer krahun e një polici, tha Ish-Deputeti Klevis Balliu, tani polici me gjithë krahun kanë ikur në drejtim të paditur.

“Pse nuk funksionon ligji për dhunën makabre të banorëve të Bregut të Lumit, ku shefi i policisë u filmua në mënyrë flagrante duke gjuajtur një vajzë 9-vjeçare me shpullë? Pse nuk funksionon ligji për 40 mln euro të Unazës së Re? Sepse këtu nuk ka drejtësi, drejtësia ka ikur në drejtim të paditur. E ka zhdukur Edvin Kristaq Rama me Erion Veliajn.”