Protestat në veri vazhdojnë, Shtëpia e Bardhë kërkesat për Kosovën dhe Serbinë

Protestat serbe në veri të Kosovës ndonëse sot shihen vetëm gra që sipas mediave lokale janë punonjëse të sistemi paralel të Arsimit që funksionojnë në Zveçan, Leposaviç dhe Zubin Potok dhe paguhen nga Serbia.

Ndërkohë Shtëpia e Bardhë ka bërë të ditur se Zv/këshilltari amerikan për Siguri Kombëtare, Jon Finer, u ka bërë thirrje Kosovës dhe Serbisë që të ndërmarrin hapa për shtensionimin e situatës në veri të Kosovës.

Zyra e shtypit e Shtëpisë së Bardhë tha se Finer kishte biseduar me kryeministrin e Kosovës, Albin Kurti dhe Presidentin e Serbisë, Aleksandar Vuçiç, duke shprehur shqetësimin e Shteteve të Bashkuara për situatën në veri.

“Ai kërkoi nga Qeveria e Kosovës që t’u mundësojë kryetarëve të sapozgjedhur të komunave që t’i kryejnë detyrat e tyre nga vend-ndodhje alternative dhe të tërheqë forcat policore nga ndërtesat komunale. Ai gjithashtu përshëndeti gatishmërinë e kryeministrit Kurti për të punuar për krijimin e kushteve për zgjedhje të reja,” thuhet në njoftimin e Shtëpisë së Bardhë për bisedën me kryeministrin e Kosovës, raporton VOA.

Jon Finer, gjithashtu, i bëri thirrje presidentit serb për marrjen e masave për qetësimin e gjendjes.

“Ai i kërkoi Qeverisë së Serbisë që të tërheqë forcat e saj të armatosura të stacionuara afër kufirit dhe të ulë gjendjen e gatishmërisë, si dhe t’u bëjë thirrje protestuesve që të ruajnë qetësinë në veri të Kosovës.”

Ndryshe, serbët në veri të Kosovës janë duke protestuar nga 26 maji në komunat e Zveçanit, Leposaviçit dhe Zubin Potokut, për të kundërshtuar hyrjen e kryetarëve të rinj shqiptarë në ndërtesat e komunave.