Protestë e madhe më 28 Nëntor në Preshevë

Festë e gjithë shqiptarëve, por 28 Nëntori nuk do të festohet në Luginën e Preshevës. Më 28 nëntor shqiptarët në Luginën e Preshevës do të protestojnë kundër diskriminit që po bëhet nga ana e Beogradit zyrtar dhe me qëllim të sensibilizimit të kësaj politike hegjemoniste serbe që vazhdon edhe pas më shumë se një shekulli.

“Diskriminimi po rritet çdo vit. Kërkesa jonë themelore është aneksimi i Luginës së Preshevës në Kosovë. Kjo nuk është kërkesë e politikanëve, por vullneti i njerëzve,” shprehet kryetari i kësaj organizate Nazmi Hajredini.

Protesta ku pritet të kërkohet bashkimi me Kosovën pritet të filloj më 28 Nëntor në orën 11:00 para Shtëpisë së Kulurës në Preshevë.