Protestë, Fermerët e Myzeqesë: Mos na mashtroni, duam subvencionim!

Fermerët e Myzeqesë e kanë zhvendosur protestën e tyre para Ministrisë së Bujqësisë në Tiranë, duke vazhduar të kërkojnë subvencione nga qeveria.

“S’kemi marrë asnjë lekë subvencion. Ne kërkojmë që të ulet çmimi i naftës pasi e marrim me1700-1800. Një tjetër pikë është që të ngrihet një laborator për nritjen e cilësisë së produktit. Nuk e merr njeri përsipër që të sigurojë serat. Kemi aplikuar për këto fonde, por s’kemi marrë asnjë,” u shprehën fermerët nga protesta.

“Ministri e turpit”, “S’jemi për lëmoshë”, mes këtyre thirrjeve dhe reshjeve të dendura të shiut, fermerët kanë kërkuar që fondi që është përcaktuar për Bujqësinë t’u jepet atyre.

Pas thirrjeve të shumta reagoi Ministria e Bujqësisë përmes Sekretarit të Përgjithshëm i cili i takoi nga afër protestuesit ndërkohë që mori kontakte me përfaqësues të shoqatës së fermerëve. Me këtë rast ai tha se ministria nuk ishte në dijeni të kushteve që kërkonin fermerët.