Protestë Kombëtare, Berisha: Më 8 shkurt, në orën 17:00 në Tiranë

Duke reguar pas të vërtetës që zbuloi Ish-Zv/Kryeministri Arben Ahmetaj, për organizatën kriminale të cilën e drejton Edi Rama dhe bashkëpunëtorët e tij më të ngusht, Belinda Balluku dhe Erion Veliaj, Kryetari i Partisë Demokratike, Sali Berisha, paralajmëroi Protestë Kombëtare më 8 shkurt në orën 17:00 në Tiranë.

“Autopsia që i bëri mbrëmë ish-zëvendëskryeministri në ekzil, me guxim të madh pavarësisht nga kërcënimet me jetë të tij dhe të familjarëve të tij, është një thirrje për mbarë shqiptarët, çdo ditë që kalon me këtë kryekriminel, me këtë padrino dhe këtë organizatë kriminale është ndëshkim i madh për çdo qytetar shqiptar, është ndëshkim i madh për Shqipërinë,” tha Sali Berisha ndërsa Partia Demokratike e cila prej kohësh ka shpallur mosbindjen civile si rrugën e vetme të qëndrimit ndaj kësaj qeverie, fton protestën më të fuqishme kombëtare që ka njohur Shqipëria.

Për të treguar mospajtimin e plotë me këtë grusht kriminelësh që nuk njohin asnjë normë, asnjë moral, tha Kryetari i Partisë Demokratike, Sali Berisham shqiptarët do ngrihen në këmbë në një protestë të fuqishme që Shqipëria nuk e ka parë kurrë më parë.

Ndaj ftoj qytetarët shqiptarë, ditën e shtunë me 8 shkurt, e gjithë Shqipëria në Tiranë, e gjithë Tirana në sheshe dhe rrugë, kundër këtij regjimi, i cili i ka bërë shqiptarëve dhe Shqipërisë dëmet më të mëdha në historinë e tyre.”

Fjala e plotë:

Me gjithë përpjekjet e jashtëzakonshme të narkoshtetit, mediave të kontrolluara prej tij, që censurojnë intervistën e ish-zëvendëskryeministrit Arben Ahmetaj, theksoj se kjo intervistë është ndër më të jashtëzakonshmet në historinë e një shteti.

Për vërtetësinë, ose faktimin e vërtetësisë të akuzave të opozitës ndaj Edi Ramës, dhe vërtetësisë së madhe me dokumente, faktimin nga ish-bashkëpunëtori më i ngushtë, numri dy për vite të tëra i qeverisë shqiptare, tashmë i përndjekur, azilant në Zvicër, Arben Ahmetaj.

Arben Ahmetaj iu faktoi shqiptarëve edhe njëherë se Edi Rama nuk është kryeministër, por është bosi, padrinoja, kryetari i një organizate të mirëfilltë kriminale.

Dhe kudo që shkon, ai shkon dhe udhëton jo si kryeministri i Shqipërisë, por si kreu i një organizate kriminale, më e rrezikshmja në historinë e këtij vendit, të rajonit dhe Europës.

Arben Ahmetaj, edhe njëherë zhveshi dje lakuriq Edi Ramën si arkitekti i krimit më të madh që mund të ketë ndodhur në historinë e vendit, kanabizimit të Shqipërisë.

Dhe se në mbledhjen e qeverisë, kjo strategji u kundërshtua nga ai dhe 4 kolegë ministra. Mirëpo Edi Rama ishte i pandalshëm, erdhi nga krimi dhe vetëm krim mund të mbillte në këtë vend.

Arben Ahmetaj faktoi, ose u tregoi shqiptarëve se pse Erion Veliaj qarkullon i lirë pasi ka firmosur djegësin jo për Shkodrën apo për VLorën, por djegësin e Tiranës, ku është vetë kryetar bashkie.

Ai, njeriu me njohuri të plota për këtë afër, Erion Veliaj djegësin e ka firmosur me urdhër dhe presion të fortë të Edi Ramës, duke pohuar se këta të dy janë pronarë të vërtetë të një objekti që ka kushtuar 130 milionë euro dhe që nuk ekziston as në themele.

Dhe që kanë bërë përgjegjës për këtë Taulant Tushën dhe një Simixhiu, në mënyrën më qesharake dhe më amorale, dhe kanë lëshuar mandat arresti për Arben Ahmetajn që e ka kundërshtuar atë. Pesë herë ka qenë kundër tij dhe me Arben Ahmetaj zgjodhi Edi Rama të mbulojë krimin e tij të shëmtuar dhe vjedhjen e madhe me djegësat, vjedhje e cila është unike në të gjithë historinë e këtij shteti dhe këtij vendi.

Vjedhje e cila mbulohet në mënyrën më kriminale nga Altin Lala dhe organizata tjetër kriminale e Skrapit.

Jashtë çdo lloj standardi, jashtë çdo lloj kriteri, ligji apo praktike.

Arben Ahmetaj me një guxim të madh qytetar, nën presione të jashtëzakonshme të bandave nga zyrat e narkoshtetit tek burgjet e tij, u dëshmoi shqiptarëve se vjedhjet e Ramës me Belinda Ballukun vetëm me disa nga objektet, tejkalojnë dy herë dëmet e tërmetit që kaloi.

Se Edi Rama dhe Belinda Balluku i kanë trajtuar sikur të ishin private 12 miliardë euro në punëra publike që nuk kushtojnë as një të dhjetën e çmimit të tyre.

Arben Ahmetaj në autopsinë e tij ndaj regjimit, ndaj Edi Ramës, kreut të organizatës kriminale, informoi shqiptarët se vetëm me dherat që i paguajnë Edi Ramës dhe Erion Veliajt kompanitë e ndërtimit, të detyruara t’i depozitojnë aty ku do Edi Rama, këta të dy hajdutë kanë fituar mbi 70 milionë euro.

Gjë e cila nuk ekziston fare në kontratën e djegësit, pra janë veças nga 130 milionë euro.

Të paimagjinueshme janë vjedhjet e Edi Ramës në AKSHI-n e tij, ku baxhanaku shpenzon 77 mijë euro dhe fiton 20-30 herë më shumë. Natyrisht me big-baxhanakun.

Ai e quan AKSHI-n kopshti privat i Edi Ramës, ku ai vjedh, ku baxhanaku i tij fiton me dhjetëra tendera, importon kompjutera të çmime të dhjetëfishta duke nxjerrë dokumente para jush qytetarë nga tatimet.

Është një monstër e vërtetë, që ka marrë dhjetëra milionë për sigurimin e mjeteve dhe së fundmi mori edhe SPAK-un e partisë për sibersigurinë.

Dhe që dy urdhra arresti që u firmosën, duket për drejtoreshën dhe baxhanakun, u grisën dhe vjedhja vazhdon pa ndërprerë.

Ajo çka ishte një dimension tjetër i shëmtuar i këtij regjimi në intervistën e Arben Ahmetajt ishte jeta e shfrenuar e luksit që Edi Rama si një birbo i pamëshirë ndaj shqiptarëve bënte vetë dhe familja e tij.

Kur kisha lexuar më parë nga një gazetar se ai me një shishe Romano Konti përpara po deklaronte këto dhe ato, të më falë gazetari, po unë e quajta këtë një dekorim nga ai, një zbukurim.

Por Arben Ahmetaj nxori dëshmi se jo një shishe, po shishet më të kushtueshme të verës që njihet si një nga tre legjendaret e verave franceze. Verë që ai vit prodhimi shkonte në 33 mijë euro.

Kur ulet pra ky në tryezë në atë restorantin e luleve në kryeministri, në një drekë kullufit 200 pensione apo 33 biftekë të Nusretit që kullifiti Belinda në Dubai.

Por që një kryeministër, iu garantoj se në botë nuk ekziston një kryeministër që mund të përdorë në institucion shtetëror, një verë të tillë. Kurrë, kurrë.

Këtë e përdor vetëm një bos mafioz, padrino, të cilit qytetarët i duken liliputë, njerëz pa asnjë vlerë, për të mos thënë inekzistentë, që nuk sheh asgjë nga hallet dhe problemet e tyre.

Jeta e shfrenuar e luksit u denoncua me fakte konkrete.

10 mijë euro të paguara nga ata të cilët i kanë ndërtuar pallatin në pajë këtij krimineli, të paguara në hotelet më të kushtueshme të Bolzanos, me emër, ku shkonte për detoksikim.

Këput kokainë ky dhe pastaj shkon të shpëtojë trupin atje.

A ka krim më të shëmtuar se ky?

Nuk janë vetëm këto. 17 çartera i ka paguar Edi Ramës një oligark për udhëtimet e tij.

Ne kemi denoncuar se vetëm me Ismailin e tij në Air Albania, në 140 udhëtime ka shpenzuar 21 milionë euro.

Arben Ahmetaj tregoi bilancet e kompanisë, për të cilën ky thoshte se më del më lirë, por në fakt Ismaili i tij i bëri gropën kompanisë, e falimentoi.

Në mënyrë të përsëritur kemi denoncuar para jush vjedhjen e tmerrshme me tunelin e Llogarasë.

Arben Ahmetaj ishte dëshmitar i pazarit në të cilin Rama-Balluku morën 50 milionë euro, duke i diktuar kompanisë turke se çfarë oferte do paraqiste dhe duke i thënë po aty, se ky këtu, ishte fjala për Gjokën, do ta japësh për 130 milionë euro. 50 milionë euro më lirë se sa ç’paguajnë taksapaguesit.

Ky është një rast super flagrant vjedhje e 5B, sepse Arben Ahmetaj futi një terminologji tjetër, 5B.

Jo më kot e kam quajtur unë Lubi Balluku se ajo përbën një hajdute të pandalshme me një etje të pashuar për të vjedhur në çdo gjë.

Nuk harroj kurrë kur si drejtore e Albkontrolit shpenzoi 220 mijë euro për zyrën e vet.

Një simbol i urryer i asaj që një grua nuk duhet të jetë kurrë. Kurrë.

Natyrisht kur vetë hap shishe 33 mijë eurosh, kur shkon në qendra detoksikimi 10 mijë euro java si person me bashkëshorten, kur shpenzon 20 milionë euro me avion taksi, kur blen një vazo 5 milionë euro sikur të ishe sheik apo sulltan, të sëmurët nuk hyjnë kund në radarin tënd, nuk mund të kesh ndjenja ti. Je aq i pashpirt. Unë nuk dua të shkoj më tutje në këtë, por Edi Rama me qëndrimin që ka mbajtur ndaj të sëmurëve në Spitalin Onkologjik ka treguar ligësinë personale më ekstreme. Që kurrë një njeri normal nuk mund ta tregonte.

Arben Ahmetaj me dokumente, bazuar në dosjet Metamorfoza, u dha shqiptarëve se 4 qarqet e mëdha janë vjedhur nga Edi Rama, por natyrisht siç thotë Lubi Balluku, nga Altin Dumani nuk na vjen e keqja. Nga Altin Lala se ai është një shërbëtor i keq i Ymer Lalës.

Pra, autopsia që i bëri mbrëmë ish-zëvendëskryeministri në ekzil, me guxim të madh pavarësisht nga kërcënimet me jetë të tij dhe të familjarëve të tij, është një thirrje për mbarë shqiptarët, çdo ditë që kalon me këtë kryekriminel, me këtë padrino dhe këtë organizatë kriminale është ndëshkim i madh për çdo qytetar shqiptar, është ndëshkim i madh për Shqipërinë.

PD, e cila prej kohësh ka shpallur mosbindjen civile si rrugën e vetme të qëndrimit ndaj kësaj qeverie, me datën 8 shkurt fton protestën më të fuqishme kombëtare që ka njohur Shqipëria. Ditën e shtunë.

Për të treguar mospajtimin e plotë me këtë grusht kriminelësh që nuk njohin asnjë normë, asnjë moral.

Që bëjnë gjithçka për një Shqipëri pa opozitë.

Që mendon se sa më shumë vjedh, aq më shumë e votojnë.

Që mendon se sa më shumë poshtëron shqiptarët, aq më shumë e votojnë.

Që sa më shumë frikëson shqiptarët, aq më shumë e votojnë.

Shqiptarët do ngrihen në këmbë në një protestë të fuqishme që Shqipëria nuk e ka parë kurrë më parë.

Ndaj ftoj qytetarët shqiptarë, ditën e shtunë me 8 shkurt, e gjithë Shqipëria në Tiranë, e gjithë Tirana në sheshe dhe rrugë, kundër këtij regjimi, i cili i ka bërë shqiptarëve dhe Shqipërisë dëmet më të mëdha në historinë e tyre.

Faleminderit!

PYETJE PERGJIGJET ME GAZETARET:

Osman Stafa, News24: Nëse mund të jepni më shumë detaje për protestën, kemi parë mosbindje civile, apo do të vendoset para kryeministrisë dhe në çfarë ore do të mbahet kjo protestë.

Sali Berisha: Të gjitha hollësitë dhe ora e protestës do të njoftohen shumë shpejt. Por e shtuna është dita kur shqiptarët zbresin në Tiranë dhe Tirana zbret në sheshe dhe rrugë.

Osman Stafa, News24: A keni ju një thirrje ndaj Arben Ahmetajt, për të qenë i penduar i drejtësisë në Shqipëri dhe a ka ndryshuar qëndrimi juaj ndaj tij, duke e cilësuar si të korruptuar?

Sali Berisha: Arben Ahmetaj, atje ku është, i rrezikohet jeta. Atje ku është, janë dërguar ekipe për të studiuar me hollësi gjithçka rreth tij. Dhe unë nuk mund t’i them Arben Ahmetajt të kthehet në Shqipëri.  Sa u përket dëshmive, është qesharake.

Më thoni pak, çfarë dëshmie mungon për Erion Veliajn dhe djegësin 130 milionë euro që nuk ekziston gjurmë, as nam dhe as nishan?

Çfarë dëshmie mungon për Edi Ramën që i ka dhënë 8 pikë paradhënie kompanisë për ndërtimin e djegësit të Tiranës, në një kohë kur kompania nuk ekzistonte?

Çfarë dëshmie i mungon Skapit për Armando Fangun, kunatin e Linda Bashës dhe baxhanakun e Edi Ramës kur firmos urdhër arrestin dhe detyrohet ta grisë?

Çfarë dëshmie duhet për Belinda Ballukun, në telefonin e drejtorit të së cilës janë gjetur me dhjetëra dokumente dhe fakte shkatërrimtare për të?

Çfarë dëshmie u duhet për Edi Ramën që dilte me një pincë të ndryshkur dhe një gërshërë të thyer për koncesionin e sterilizimit? Për moslejimin e Vilma Nushit që të paraqitet në komisionin e hetimit të parlamentit.

Ai do të bënte një veprim qesharak, kujt t’i dëshmojë, një krimineli që kryeson Skrapin e partisë dhe që fsheh çdo krim të Edi Ramës, bëhet mburojë e krimeve të tij?

Si mund të dëshmojë para Altin Lalës ai?

Çfarë dëshmie don për implikimin e familjarëve të Edi Ramës në Porto Romano kur janë dokumentet?

Unë besoj se Arben Ahmetaj ka folur me guxim shumë të madh.

Paraqiti dokumentet që kishte, bazuar në fatura tatimore se si kompjuterat që sillte baxhanaku deklaroheshin në dogana me çmim të 10-fishtë me atë që kanë në treg.

Por paratë i merr Edi Rama, sigurisht.

Unë mendoj se shërbimi i tij është i jashtëzakonshëm dhe unë e përgëzoj atë.

Nuk bëj avokatin e tij, ju e dini që unë e kam sulmuar me dhjetëra herë dhe e tha edhe mbrëmë ai, por ka një gjë ama, në qoftë se Arben Ahmetaj në 3 intervista ka zbërthyer me fakte dhe dokumente të pakundërshtueshme korrupsionin dhe krimet e Edi Ramës dhe narkoqeverisë së tij, gjer sot, as unë dhe as ju, nuk kemi parë një dokument të vetëm, një firmë të vetëm nga Arben Ahmetaj për këtë tender apo atë tender. Nuk bëj avokatin, por duhet të jemi të hapur.

Të gjithë kemi menduar se Arben Ahmetaj me paratë e rindërtimit ka vjedhur me thasë, por ja që na del që nuk ka bërë asnjë tender të vetëm, por ua ka lënë kryetarëve të bashkive dhe aty meriton përgëzime.

Ja ku është, ka administruar ndoshta 1 miliard e gjysmë, por ka zbatuar standardin jo të Edi Ramës. Po të donte, të gjithë tenderat i realizonte nga ministria e tij. Asnjë, kështu duhet. Ka zbatuar ligjet.

Trualli i ambasadës në Nju Jork, pazaret e Edi Ramës. Jo, thotë, nuk jepet trualli i ambasadës.

Pra, ka bërë shërbime shumë të mëdha dhe në asnjë rrethanë nuk do e këshilloja të dëshmonte para kriminelëve që mbyllin dosje dhe grisin urdhër arreste.

Osman Stafa, News24: Ditën e djeshme është publikuar një lajm nga mediat izraelite kur flasin se rreth 100 mijë palestinez mund të vijnë në Shqipëri si një kërkesë e presidentit Donald Trump drejtuar qeverisë shqiptare, gjë e cila dje është cilësuar si lajm jo i vërtetë. Çfarë mendoni ju për këtë çështje?

Sali Berisha: Shqipëria nuk ka asnjë kapacitet, e them me bindje të plotë këtë, duke pasur parasysh një eksperiencë të shkuar. Këtu nuk ekziston shtet dhe këtu ka një narkoshtet dhe një narkoshtet të gjitha kapacitetet i ka për krim, krim dhe vetëm krim.

Urdhëro çfarë ndodhi me ata që kemi. Ua dërgoi të dhënat ajatollahëve. Pra, një narkoshtet nuk ka kapacitet të menaxhojë asgjë. Natyrisht jam i informuar se kjo oshëtimë ka tre muaj që qarkullohet nga oligarkët e Edi Ramës, që u thonë klientëve se Rama do na sjellë palestinezë për të blerë apartamentet.

Kjo është e vërtetë.  Unë nuk mund të besoj në atë që thotë Rama dhe ato që thonë mediat. Por unë them këtë, që Shqipëria nuk ka asnjë kapacitet për trajtim. Është një narkoshtet që nuk ka asnjë ligj, asnjë rregull, as Kushtetutë.

Meqë më pyetët për orën, protesta do mbahet ditën e shtunë në ora 17:00.