Protestë kundër ndërtimit të hidrocentraleve në Lumbardh
Në sheshin e qytetit të Pejës ka filluar protesta kundër ndërtimit te hidrocentraleve në Lumbardh.
Në këtë protestë, qytetarët janë duke nënshkruar edhe një peticion për ta parandaluar ndërtimin e projektit në fjalë.
Edhe Komuna e Pejës së bashku me partitë opozitare janë deklaruar kundër këtij projekti, pasi që sipas tyre, ndërtimi i hidrocentraleve do ta shkatërronte lumin.
Për t’u informuar më shumë rreth kësaj ngjarje, klikoni në linkun e mëposhtëm.
Ndërkohë Kryeministri Ramush Haradinaj, ka pritur sot në takim një delegacion të përfaqësuesve të komunitetit rugovas, me të cilët ka biseduar rreth shqetësimeve të tyre lidhur me projektin e ndërtimit të hidrocentralit në Lumbardh.
Haradinaj pasi është njoftuar nga banorët e kësaj ane për shqetësimet e tyre, u ka premtuar se do t’i trajtoj me kujdes në mënyrë që të gjendet një zgjidhje e pranueshme dhe e favorshme për banorët dhe investitorët potencial.
Poashtu gjatë takimit, është diskutuar dhe ngritur si çështje nga ana e banorëve se në çfarë faze ka arritur procesi i krijimit të Trupës së Përbashkët Punues për Rishikimin dhe Korrektimin e sektorëve në drejtim të Çakorrit dhe Kullës së Zhlepit, ashtu siç është paraparë në deklaratën e përbashkët të dy presidentëve të nënshkruar në Podgoricë më 16 shkurt 2018.
Për këtë, Komisioni Shtetëror për Shënjimin e Kufirit me Malin e Zi i cili ishte i pranishëm në takim, konfirmoi se është në proces të punës dhe në afat optimal do të formohet edhe Trupi i Përbashkët Punues për Shënjimin e vijës kufitare Kosovë-Mal i Zi.
