Protestë në Topojë, banorët: Nuk shesim dhe nuk punojmë prodhimet e stinës!
Sot banorët e Njësisë Administrative Topojë në Fier protestuan duke u shprehur se janë lënë në harresë nga shteti dhe si fermerë nuk trajtohen as me ndihmë ekonomike.
Banorët që jetojnë nga bujqësia thonë se nuk kanë mundësi as të shesin dhe as të punojnë për prodhimet e stinës për shkak të situatës, dhe apelojnë për vëmendje nga qeveria pasi janë në vështirësi dhe kërkuan që të përfshihen në paketat e ndihmës sepse nuk kanë marrë asgjë deri tani. Ata janë në vështirësi ekononomike edhe nga pamundësia për të dalë në treg me produktet e tyre ku për pasojë nuk kanë asnjë të ardhur.
Gjendjen e vëshirë të banorëve të Topojës e denoncoi edhe Kryetari i Partis Demokratike, Dega Fier, Luan Baçi:
“Banoret e Njësisë Vendore Topojë në Fier të revoltuar dhe të lodhur nga gënjeshtrat e Ramës dhe qeverisë së tij, pa pune të izoluar, pa ndihma të mashtruar, pa shpresë të gënjyer, sot ata kanë vetëm një thirrje:
Rama ik!
Ndryshe, pjesë e Njësisë Administrative Topojë në Fier janë fshatrat Topojë, Seman, Gjokalli, Sheq Marinasi, Sheqi, Fushë, Grykë, Seman i Ri, Kavaklli. Topoja ka 4.246 banorë shumica prej të cilëve jetojnë nga bujqësia.
