Protestë para Drejtorisë së Policisë, Edi Paloka paralajmëron…

Ashtu siç kishte paralajmëruar kryetari i Partisë Demokratike, Lulzim Basha, ndonëse u lirua Sekretari Organizativ i PD, Sahit Dollapi, protesta para Dejtorisë së Policisë vazhdon deri në lirimin e të gjithë protestuesve.

Nënkryetari i PD, Edi Paloka, duke u bërë thirrje qytetarëve që të marrin në dorë fatin e tyre pasi në të kundërt vendi do kthehet në një diktaturë, më e keqe se e komunizmit, paralajmëroi Edi Ramën dhe Ministrin Lleshaj se do të përballen edhe me përgjegjsi personale dhe jo vetëm shtetërore për dhunimin e qytetarëve:

“Sot është një protestë simbolike. Nesër do të ketë sërish protestë kombëtare, dhe ta dijë mirë Rama dhe Lleshajt e tij se nuk do ta ketë aspak të lehtë,” tha Edi Paloka duke folur edhe për rrezikun që i kanoset vendit:

“Kjo është një polici që i merr urdhrat nga Rama dhe Lleshi i tij. A do të marrim hapa ligjor për dhunën? Me kë? Këtu s’ka as prokurori as drejtësi asgjë. E patë Arta Markun? Shkoi te Rama. Këtu ose qytetarët marrin në dorë fatin e tyre ose Shqipëria rrezikon të kthehen në diktaturë, më keq se më parë, se sot ka në krye një kriminel si Rama.

Ndryshe, pak para protestës së paralajmëruar tek Drejtoria e Policisë, kryetari i PD, Lulzim Basha, vizitoi Sekretarin Organizativ të PD, Sahit Dollapi i cili po mbahet nën kontrollin e mjekëve pas dëmtimeve që pësoi nga dhuna policore e urdhëruar nga kryeministri Edi Rama ndërsa u shpreh se janë 100 protestues të shoqëruar .