Protestë para shpellës së korrupsionit, Teliti: Edi Rama të sjellë Erion Veliajn në Këshillin Bashkiak!

Pasi Kryeministri Edi Rama i shpalli luftë korrupsionit, sot kreu i këshilltarëve demokrat në Këshillin Bashkiak, Tiranë, Dorian Teliti, tha nga protesta para shpellës së korrupsionit se a ka fuqi Edi Rama që ta detyrojë Erion Veliajn të vijë në Këshill Bashkiak dhe të japë llogari se ku kanë shkuar 132 milionë eurot e inceneratorit të Tiranës që nuk ekziston.

“Ky institucion është kthyer në një shpellë korrupsioni dhe klientelizmi dhe do ta zbrazim nga ata që po shkatërrojnë të ardhmen tonë dhe të fëmijëve tanë,” tha Dorian Teliti ndërsa kujtoi fjalën e Kryeministrit Rama në parlament, tha se a mund ta detyroj Erion Veliajn që të vijë në Këshill Bashkiak dhe të japë llogari se ku kanë shkuar 30 milionë eurot e pesë drejtorëve të tij.

“Ju e patë dje Kryeministrin, Edi Ramën, i cili fliste për korrupsionin, se si donte ai ta luftonte atë. E ka një provë të parë për ta dhënë, pasnesër. Pasnesër është thirrur mbledhja mujore normale e Këshillit Bashkiak të Tiranës.

A do të ketë fuqi Edi Rama të sjellë Erion Veliajn në Këshillin Bashkiak, përballë me gazetarët për të dhënë llogari?!

A do ta detyrojë dot Edi Rama, Erion Veliajn, të vijë në Këshillin Bashkiak për të dhënë llogari se ku kanë shkuar 30 milionë eurot e pesë drejtorëve të tij,” tha Nënkryetari i Këshillit Bashkiak, Tiranë, Dorian Teliti, duke përfunduar:

“A ka fuqi Edi Rama që ta detyrojë Erion Veliajn që të vijë në Këshill Bashkiak dhe të japë llogari se ku kanë shkuar 132 milionë euro e inceneratorit të Tiranës që nuk ekziston?!”

Ndryshe, në protestën e nëntë me radhë sot nuk munguan provokimet nga policët e infiltruar pa uniformë në protestë si dhe policët në vijën e parë që krijoi tensione të panevojshme ndërsa skenari me mjete piroteknike nuk ishte se ndikoi nga kjo rrugaçëri policore.

Protesta qytetare e rradhës para shpellës së korrupsionit dhe klientelizmit do të zhvillohet të martën e ardhshme, më 4 Qershor!