Protestë serbe, QKMK: Sot qytetarët të mos i përdorin vendkalimet kufitare me Serbinë!
Qendra Kombëtare për Menaxhim Kufitar e Kosovës, QKMK, ka ftuar qytetarët të cilët planifikojnë të udhëtojnë përmes pikave të kalimeve kufitare me Serbinë, që sot të përdorin pikat tjera për qarkullim, pasi atje për sot janë paralajmëruar protesta nga ana serbëve.
Qendra Kombëtare për Menaxhim Kufitar ka theksuar se ky njoftim vlen deri në një njoftim tjetër.
“Njoftohen të gjithë qytetarët të cilët planifikojnë të udhëtojnë përmes Pikë Kalimeve Kufitare me Serbinë, se në pjesën e SRB, për nesër, datë 25 Maj 2024, janë paralajmëruar protesta. Ju inkurajojmë që të përdorni PKK tjera për qarkullim.
Ju falënderojmë për mirëkuptim dhe bashkëpunim! Për çdo informatë shtesë kontaktoni numrat e telefonit në QKMK 045198000, 045198606 dhe pa pagesë 080050095,” thuhet në njoftimin e Qendra Kombëtare për Menaxhim Kufitar e Kosovës.
Ky njoftim, thekson Qendra Kombëtare për Menaxhim Kufitar e Kosovës, vlen deri në një njoftim tjetër.
Ndryshe, sot në vendkalimin kufitar me Kosovën, Jarinje, në anën e Serbisë, me fillim në orën 12:44 do të mbahet një protestë në, siç u tha, mbështetje të serbëve të Kosovës.
Protesta organizohet nga Iniciativa e Serbëve nga Kosova “Liria nga frika“, “Kuvendi i profesorëve universitar“, “Lëvizja popullore për Pashkën e Serbisë“, “Shoqata e nikoqirëve serbë“, “Zëri Metohisë“ dhe “Bozhuri i Kosovës“ me 10 kërkesat për pushtetin e Vuçiç ku kryeson: Republika e Serbisë të shpall okupimin e Kosovës!
