Protestë, solidarizim me mësuesen Vlora Paci

Mësimdhënësit dhe stafi i Shkollës Fillore “7 Marsi” në Prishtinë sot në orën 12:30 do të protestojnë para shkollës, në shenjë solidarizimi me mësuesen Vlora Paci, e cila pësoi lëndime nga një prind i nxënësit të po kësaj shkolle.

“Mirëpresim të gjithë mësimdhënësit, prindërit, kolegët e shkollave tjera, shoqërinë civile dhe përkrahjen e mediave për t’u solidarizuar me kolegen tonë”, thuhet në njoftim

Ndryshe, më 30 Prill, 49 vjeçarja Vlora Paci, mësuese në Shkollën Fillore “7 Marsi” në Prishtinë, u ther me thikë nga nëna e një nxënësi. Ngjarja madje ndodhi në prani të nxënësve.

Lidhur me rastin në fjalë policia ka arrestuar personin e dyshuar, B. D., femër, 38 vjeç, si dhe është konfiskuar mjeti i cili dyshohet të jetë përdorur në këtë rast.