Protestuesit shoqërohen në polici, Paloka: Sa më shumë ta shtojë dhunën Edi Rama…

Numri i protestusëve para Komisariatit Nr.6 në Tiranë, ku vazhdojnë të mbahen 3 banorë të Unazës së Re dhe Ish-Deputeti i PD, Klevis Balliu, që ishin pjesë e protestës e cila i bllokoi rrugën Kryeministrit Edi Rama, sa shkon e rritet.

Jashtë ambienteve të komisariatit Nënkryetari i PD, Edi Paloka, akuzoi Edi Ramën dhe Policinë e Shtetit për dhunën e paprecedentë e cila u përdorë kundër banorëve të Unazës së Re, dhe ku nuk u kursyen as deputetët:

“Ai po e çon vendin drejt një përplasjeje që të jem i sinqertë nuk di ca pasojash do ketë. Përgjegjësinë do ta mbajë Rama, por pasojat po i vuajnë të gjithë shqiptarët. Rama po vuan të marrë milionat e korrupsionit dhe nuk ndalet para asgjëje, edhe para dhunës ndaj fëmijëve, siç ndodhi sot,” tha Edi Paloka:

Duke sqaruar se banorët kanë dalë aty ku protestojnë duke menduar se policia do vinte ti prishte shtëpitë, Nënrkyetari i PD, Edi Paloka tha se u përballën me realitetin e dhunës, por:

“Sa më shumë ta shtojë dhunën dhe represionin Edi Rama aq më i fortë do jetë reagimi qytetar!”

Ndryshe, Sekretari i Përgjithshëm i PD, Gazment Bardhi ka dashur të hyjë ne ambientet e policisë, por nuk është lejuar të futet madje policia ka përdorë edhe dhunë gjë që ka shkaktuar edhe irritimin e banorëve të Unazës së Re të cilët u përplasën me policinë.