PS acaron jetën parlamentare, Berisha në Grupin e PD: Letër kancelarive, bojkoti s’është opsion!
Pas acarimit të jetës parlamentare nga Partia Socialiste që vazhdoi këtë javë edhe me arrogancën në Komisionin e Ligjeve dhe atë të Ekonomisë, sot Grupi Parlamentar i Partisë Demokratike diskutoi për një aksion më të fortë opozitar, dhe deri sa Kryetari i Grupit, Gazment bardhi kërkoi një qëndrim të përbashkët duke mos lejuar të zhvillohet një aktivitet normal parlamentar, Kryetari i PD, Sali Berisha, sugjeron që të mblidhen me partitë aleate, të diskutohet mbi situatën dhe ti niset një Letër ndërkombëtarëve lidhur me atë se çfarë po ndodh në Kuvend dhe se si trajtohet opozita, ndërsa ishte i prerë se bojkoti nuk është opsion.
“Do të duhet të kemi një qëndrim. Mazhoranca po na bllokon çdo hapësirë institucionale. Kanë asgjësuar parlamentarzimin. Opozita nuk duhet të lejojë që të zhvillohet aktivitet normal parlamentar, përderisa mazhoranca do të vazhdoje te rrezoje kërkesat e opozitës për komisionet hetimore parlamentare, apo mospranimin e ndryshimit te anëtareve të komisionit te posaçëm te reformës zgjedhore. Kjo që po ndodh aktualisht s’ka ndodh kurrë me opozitën. Është asgjësuar çdo hapësirë,” tha Gazment Bardhi duke përfunduar:
“Praktikisht na kanë venë në kushtet kur ata vendosin gjithçka për ne. Do duhet te kemi një qëndrim të prerë. Unë pres nga ju propozime dhe duhet të dalim me një vendim se çfarë duhet të bëjmë.”
Ndërkohë Kryetari i Partisë Demokratike, Sali Berisha, propozoi si hap të parë lidhur me atë se çfarë po ndodh në Parlamen ti bëhet një Letër sqaruese ndërkombëtarëve.
“Mendoj se ne duhet të bëjmë një letër, edhe publike, dhe tua shpërndajmë kancelarive, ndërkombëtare dhe t’i vëmë në dijeni se çfarë po ndodh në parlamentin shqiptar, së çfarë po ndodh me opozitën. Më pas duhet te mbledhim partitë aleate, ku mund te diskutojmë për situatën në fjalë dhe hapi i fundit është përplasja, në mënyrë që të mos lejojmë zhvillimin normal të seancave parlamentare, por t’i bllokojmë ato,” tha Sali Berisha ndërsa ishte i prerë kundër bojkotit parlamentar.
“Mendoj që bojkoti nuk është opsion si mekanizëm për t’u përdorur nga ana jonë, pra bojkoti i parlamentit. Nuk do të përdorim ato praktika që janë përdorur më parë, por do të përdorim çdo mjet demokratik që askush të mos marrë neper këmbë opozitën, siç ndodhi ne seancën e fundit parlamentare.”
Ndryshe, pas një debati që u përfshi sot Komisioni për Ekonominë dhe Financat, deputetët e opozitës pasi denoncuan sjelljen arbitrare dhe antikushtetuese të mazhorancës në parlament, e cila së fundi madje refuzoi që opozita të përfaqësohet në Komisioinin e Reformës Zgjedhore, u detyruan nga Komisioni pasi u përballën me arrogancë edhe më të madhe.
