PS braktis sërish mbledhjen, Lefterie Luzi “bënë ligjin”, Alibeaj : Garda, nxirre jashtë!

Deputetët e Partisë Socialiste edhe sot erdhën në mbledhjen e Komisionit Hetimor për zgjedhjet e 25 Prillit për ta bllokuar punën dhe jo për të vazhduar me Hetimin, me dallimin e vetëm që sot luftës socialiste iu bashkuar edhe punonjësja e administratës së Kuvendit, Lefterie Luzi.

Socialistët edhe sot u kapën për Rregulloren e Kuvendit dhe respektimin e saj ndërsa deputeti i PD-së, Oerd Bylykbashi sqaroi se nuk ekziston mundësia që Komisioni të ndryshojë Ligjin për rregulloren.

Pas shumë debateve, deputetët e PS u largua nga mbledhja ndërsa opozita vazhdoi punën, situatë e cila bëri që përfaqësuesit e mazhorancës të rikthehen sërish në mbledhje ndërsa Zv/Kryetari i Komisionit, Toni Gogu, të shprehet:

“Doni të bëni mbledhje partie në zyrat e komisionit”

Vazhdimi i punës nga opozita ishte i papranueshëm edhe për deputeten Blerina Gjylameti e cila me zellin e saj komunist u mundua të vendos rendin edhe në Komisionin i cili nuk drejtohet nga PS:

“Jeni pa kuorum, jeni ne shkelje te rregullore”

Rrëmujën e krijuar nga deputetët e Partisë Socialiste u mundua ta sqaroj si dhe ulë tensionet kryesuesi i Komisionit, Enkelejed Alibeaj:

“Mbledhja ka nisur është çelur sipas rregullores, ju keni detyrat tuaja për të vazhduar transmetimin, deri kur kryetari te deklaroje fundin e saj. Nëse do merrni urdhra të paligjshme, ose të merrni urdhra për të ndërprerë sinjalin televiziv do jem i detyruar të ushtroj të drejtat e mia, për gjithëkënd nga ju, deri në kallëzim penal,” tha Alibeaj dhe ndërsa u krijua ideja se mazhoranca braktisi mbledhjen aty ishte Drejtorja e Shërbimit në Kuvend, Lefterie Luzi e cila edhe pse nuk kishte të drejtën e fjalës u mundua në emër të Partisë Socialiste të bëjë Ligjin:

“Ndërprisni mbledhjen!”

Këtë sjellje rrugaçërore të personit i cili dëmtoi Partinë Demokratike çdo sekondë të qëndrimit të saj në krye të KQZ dhe sot është thjeshtë punonjëse e administratës së Kuvendit nuk e lejoi kryetari i Komisionit Hetimor për zgjedhjet e 25 Prillit, Enkelejd Alibeaj, duke urdhëruar Gardën e Republikës ta nxjerrë jashtë:

“Zonjë, ju lutem dilni. Garda të nxjerrë jashtë zonjën se nuk është deputete. Ka marrë vërejtje nga kryetari. Garda ta nxjerrë jashtë!”

Debati për Rregulloren:

Enkelejd Alibeaj: Nuk e hedh dot në votim rregulloren, se s’ma thotë ligji. Për çështje të tjera, rregulloren e kmisonit dhe orarit dhe datën e kam bërë në përputhje me të. Pikën e parë të rregullores e nisëm mirë e bukur. Kishim rënë dakord dhe me zonjën Bushka, që të përdornim draftin, pa bërë asnjë ndryshim, i përdorur në komisionet e mëparshme. Propozimet që vijnë nga ana juaj, përmbysnin germën e ligjit. Propozimi juaj; e drejta për të marrë vota, i nënshtrohet votimit. Ju keni shumicën dhe do të rrëzoni marrjen e provave. Për këtë arsye jam në drejtim të këtij komisioni, se kryesimi i këtij komisioni i përket opozitës.

Xhemal Qefalia: Nuk po respektohen rregullat. Ju vërtetë jeni përfaqësues i opozitës, por jeni dhe kryerat i këtij komisioni. Që në ditën e parë të mbledhjes, në konstituimin e komisionit, se kuptoj pse keni pasur frikë të respektoni rregulloren për zgjedhjen e sekretarit. Ndaj ju lutem respektoni këtë gjë. Të vendosim normat dhe rregullat se si do të funksionojë komisioni. Hajde të hedhim ato kërkesa që keni ju,. Kemi dhe ne kërkesa për të shtuar. Po ta fusim komisioni në vijë.

Oerd Bylykbashi: Përtej faktit që mund të jetë dikush i ri në mbledhjet e komisionit. Komisionet parlamentare hetimore janë të vjetër.. rregulloret standarde tipike kanë qenë kështu. E kam thënë dhe e përsëris; komisionet janë zhvilluar kështu që në 2002. Ai që e kërkon, ai e drejton komisionin. Nuk ekziston koncepti që komisioni drejtohet me kryesi. Nuk mundet që ky komision të ndryshojë ligjin, qoftë duke miratuar rregulloren në kundërshtim me ligjin, aq më pak duke kufizuar ligjin për mbledhjen e provave. Nuk ekziston mundësia ligjore. Ky komision nuk mund të shkelë ligjin. E kuptoj përpjekje. Sigurisht qëllimi ynë është që të fusim në udhinë e shkeljeve që ka bërë maxhoranca. Udhia e vetme është; hetimi i vetëm, shkeljet që ka bërë qeveria duke ndërhyrë në zgjedhje. ju keni një të drejtë tjetër, bëni një raport paralel si ne.

Gazmend Bardhi: Realisht kërkoj që mos e merrni si pozim të opozitës por për të çliruar punën për të ecur para. Kemi një orë që jemi marrë peng e s’po vazhdojmë dot para. Propozoj që të hedhin në votim kandidaturën e Bushkës për sekretarin. Ta lëmë si pikë të fundit rregulloren. Më pas të vazhdojmë me administrimin e të dhënave, dhe më pas t’i kthehemi diskutimeve. Mendoj se ky është propozim që i akomodon sensi që lejon të dy krahët. Jemi diskutuar dhe se dimë.

Klotilda Bushka: Jemi komision hetimor i Kuvendit dhe jo organ. Duhet të sillemi sipas atyre normave që rregullojnë veprimtarinë institucionale të një komisioni. Është e vërtetë që mbledhjen e thërret kryetari, por drejtimin e bëjnë kryetari dhe zv/kryetari. Ju e kondicionuat zgjedhjen e sekretarit me rregulloren.