PS: I.M. bashkëpunim me Sigurimin, Meta: Në 1 shtator do të padis Autoritetin e Dosjeve!

Pasi Kryetari i Grupit Parlamentar të PS e konfirmoi sot se Kuvendi më 26 Korrik u informua nga Autoriteti i Dosjeve për I.M i cili deri në 24 korrik ka mbajtur postin e Presidentin, se ka dokumente të tjera të pa bëra publike që e lidhin me aktivitet në bashkëpunim me Sigurimin, ka reaguar kryetari i Partisë së Lirisë, Ilir Meta, emri i plotë i të cilit poërmendet në këtë dokument duke bërë të ditur se në 1 shtator do të padisë Autoritetin e Dosjeve për shkelje flagrante.

“Ia kanë prishur gjumin dhe ëndrrat të gjithë shqiptarëve të ndershëm. Meta me 25 korrik ka nisur një mision që do të vijojë për 25 vjet dhe që rezultatet do t’i ketë të shpejta. Por dëmet e bëra në qeverinë e këtij hajdutokrati janë të mëdha dhe do duhet kohë dhe vendime të forta për të rekuperuar dëme të mëdha që i janë bërë shtetit dhe popullit tonë. Lidhur me ëndrrën e fundit të pjellave më të neveritshme të ish-sigurimi dhe partisë së Kristaqit dhe Kolekës ju them se në 1 shtator do të padis penalisht autoritetin e manipulimit të dosjeve për shkelje,” tha Ilir Meta duke siguruar shqiptarët se për të nuk ka ekzuistuar kurrë asnjë dosje, sa i përket rastit të Autoriteti të Dosjeve dhe bashkëpunëtorit të Sigurimit, shtetasit me inicialet I.M.

“Emrat i ka nxjerrë Autoriteti i Dosjeve për manipulim dhe qëllime shantazhi, sepse kanë qenë materiale që duhet të ishin të klasifikuara. Jam njohur plotësisht me dosjen e përndjekjes së F.T. nga Sigurimi, nuk ka ekzistuar asnjë dosje për mua dhe kot bëhen qesharakë kur duhet të merren me inceneratorë, dhe merren nëse kam ndryshuar apo jo gjeneralitetet. Është e qartë siç është edhe qytetari F.T., për falsifikimet në dosjet e tij, për të cilat ka marrë edhe rrugën ligjore, është çështje me të cilën do të njiheni edhe ju kur të bëhet kallëzimi penal siç kanë funksionuar ata si grup i strukturuar kriminal, për të përfshirë pres e republikës,” tha Meta duke shtuar se e di se përse e ka bërë Edi Rama e këto përralla e lojëra duke nxjerr Tao Taon e larva tjera, nuk mund ti funksionojnë:

“Bashkëpunëtori mund të dalë edhe Tao Tao, në shërbim të atij që i ofron një tender. Absolutisht ky rast i Autoriteti do të jetë një rast ekzemplar edhe në Europë se si keqpërdoret në mënyrë kriminale një autoritet që duhet të jetë shembull për respektimin e ligjit. Rama nuk e blen opozitën e nuk e trukon dot më ndeshjen që më parë,” tha Ilir Meta duke përgjigjur deklaratës së Taulant Ballës.

Ndryshe, Kryetari i Grupit Parlamentar të Partisë Socialiste, Taulant Balla, duke sqaruar sot propozimet për ndryshimet ligjore, që prekin çështjen e fundit me Autoritetin e Dosjeve, tha se nismat janë depozituar me qëllim heqjen e pengesave për shqyrtimin e pastërtisë së figurës të personave të cilët kanë mbajtur deri tani poste shumë të larta, duke mos përmendur emra.

Me këtë ras ai konfirmoi se për shtetasin me inicialet I.M, në dokumentin  e mbërritur në Kuvend, ka informacione të pa bëra publike.

“Kryetari i Kuvendit më 26 korrik kur mori informacioni, i ka vënë në dispozicion kryetarëve të grupeve parlamentare. Për I.M i cili deri në 24 korrik ka mbajtur postin e Presidentin ka dokumente të tjera të pa bëra publike që e lidhin me aktivitet në bashkëpunim me Sigurimin. E konfirmoj që kjo gjë rezulton në atë dokument dhe i takon Kuvendit që kërkesa e ardhur për ndryshime të ligjit të adresohet në kohë sa më të shpejtë që pengesat të bien dhe të mos pengohet transparenca,” tha Taulant Balla dhe bazuar në reagimin emocional të Ilir Metës, shefi i Grupit Parlamentar është i bindur se një problem e ka ndërsa përfundon:

“Vetë personi të kërkojë dosjen, mund ta kishte bërë gjithë këto ditë. Dokumenti ka ardhur në Kuvend dhe me të janë njohur grupet parlamentare. Gërdufja dhe dalja nga vetja konfirmojnë që fakti që je aq i emocionuar e mbushur një problem e ke, se nuk je kot.”