PS, rival i kashtës dhe koqeve, Rama: Shumica nuk na voton se jemi më të mirë, por sepse nuk ka më të mirë

Shumë nga shqiptarët normal deri në këtë ditë të varfërisë ekstreme në tokën shqiptare nuk e kishin të qartë se si nga viti 2013 fiton PS me në krye Edi Ramën, por sot nga Njësia Nr. 3 në Tiranë ku u zhvillua dëgjesat publike për buxhetin e qytetarëve për Tiranën dhe Shqipërinë, u dëgjua nga vetë Kryeministri Rama se rivalët e tij politik janë kashtë e koqe që nuk i duhen dreqit!

 “Askush që realisht nuk di nga brenda se çfarë bëjmë ne për të marrë mbështetjen e njerëzve të kuptojë si qëndron puna, mbi të gjitha kush thotë siç thonë ata që Shqipëria është më keq, që është më e varfër, që s’ka asnjë shans të jetë pjesë e shumicës dhe as që të mendojë atë që mendon shumica.

Unë jam i bindur dhe e them, që shumica nuk na voton se jemi më të mirë, por sepse nuk ka më të mirë. Të tjerët janë kashtë e koqe që nuk i duhen dreqit. Është e pandodhur të paktën sa e njoh unë politikën europiane, në histori që një parti, një forcë politike që pretendon të jetë alternativa e qeverisë të arratiset nga zgjedhjet dhe të fshihet pas disa pseudo të pavarur, dhe për kryeqytetin të nxjerrë një aktor që luan rolin e kandidati të pavarur,” tha Kryeministri Edi Rama tashmë më i qartë se kurrë jo vetëm për mbi 80% e qytetarëve që nuk i dolën fare në zgjedhje ndërsa përfundoi:

“Kjo është sfidë për ne, kur ke përballë rivalë, që nuk të sfidojnë me argumente e mençur por me muskulaturë, sharje, fyer e dhunë është shumë e vështirë të sfidohesh dhe përmirësohesh, duhet të gjesh forca brenda vetes.”