PS rrëzoi kërkesën e PD për shkarkimin e Peleshit, Berisha: Klub i kaosit!

Pas rrëzimit të kërkesën së Partisë Demokratike për të shkarkuar Kryetarin e Parlamentit, Niko Peleshi, Kryetari i PD-së, Sali Berisha, tha se Partia Socialiste e ka shndërruar parlamentin në një klub ku ka vetëm kaos!

Ndërsa për Niko Peleshin, Kryetari i Partisë Demokratike, tha se ai mbrojti me hipokrizi kolapsin e plotë parlamentar që ka krijuar

“Këta e kanë shndërruar parlamentin në një klub, në të cilin nuk ka asnjë rregull, ka vetëm kaos.
Ajo që kryeson sot aty nuk merrte vesh se çfarë hidhte në votim. Aty janë dy raporte, hidhen dy raportet dhe pastaj bëhet votimi.
Ka procedurë të sanksionuar në rregullore, por këta nuk njohin rregullore, njohin vetëm urdhra që marrin dhe pastaj bëjnë të paditurin.
E dëgjuat Niko Peleshin se si u përpoq me hipokrizinë më të madhe të mbrojë kolapsin e plotë parlamentar që ka krijuar.
Ka ndodhur ndonjëherë në historinë e ndonjë parlamenti në botë që të kalojë për 28 minuta dhe të miratohet kabineti i ri dhe programi i saj? Kurrë!
Ka ndodhur ndonjëherë që në seanca të tëra parlamenti të mbyllet brenda disa minutash dhe ka dy muaj që ka nisur punë dhe ka pasur vetëm një ditë punë? Nuk ka ndodhur ndonjëherë,” tha Sali Berisha duke përfunduar:
“Këta vazhdojnë në një kaos të plotë. Flasin përçart.
Do ta bëj Parlamentin Evropian, dëgjoni se cili është standardi evropian, në një kohë kur parlamenti ka delinkuentë sa çdo burg tjetër i vendit.”

Gazetarët: Ndërkohë, ju jeni i gatshëm të uleni për senatin me kryeministrin Edi Rama?

Berisha: Absolutisht jo, nuk e kam thënë atë.

Më vjen keq që e shtroni.

Ka një komision parlamentar.

Ai komision dhe ai ligj nuk parashikon aspak, në asnjë rrethanë uljen time me Edi Ramën.

Ai parashikon që përfaqësuesit e të dy partive në komisionin për zgjedhjet, të diskutojnë edhe këto çështje, çështjen e senatit, po u pranua senati, vetvetiu numri i deputetëve do reduktohet.

Dhe unë jam për këtë variant.

Ideja e senatit nuk është një ide ime, fillimisht është dhënë nga i ndjeri Sabri Godo dhe mbrojtur me shumë aftësi.

Por qëndron si ide, vendi mund të ketë një senat me një numër më të reduktuar deputetësh në mënyrë që të mos shtohet fatura fiskale e këtij institucioni.

Por unë jam këtu për të dënuar me forcën më të madhe ndërhyrjen brutale të Edi Ramës pranë prokurorit që ka dosjen e Lubi Ballukut.

Telefonatën kërcënuese që i ka bërë atij dhe çdo lloj kërcënimi tjetër që i është bërë një prokurori, i cili i gjetur para dëshmitarëve dhe fakteve të pakundërshtueshme, me shkrim, me film dhe çdo gjë, ka marrë vendimin e duhur

Gazetarët: A keni prova që është kërcënuar prokurori?

Berisha: Prova, unë u them ju me garanci dhe siguri të plotë që ai është kërcënuar, por Edi Rama këtë nuk e pranon dot, sepse është i regjistruar.

Gazetarët: Sepse edhe Altin Dumani nuk e ka pranuar që ka patur kërcënime ndaj prokurorit?

Berisha: Altin Dumani është ndoshta një nga kërcënuesit e tij. Altin Dumani është një nga ata që i ka thënë, pak a shumë po e perifrazoj, mendo për kokën tënde.

Por të mos hyj në atë punë. Ai i Altinit është më pak, por kërcënimi i Ramës është shumë më tepër.

Kërcënimi i Ramës është një skandal shumë i madh. Se e di ti se po thërret zëvendëskryeministren.

A e dëgjuat ju dje kryetarin e Kontrollit të Lartë të Shtetit, që tha se Edi Rama nuk më lejon inspektorët për ta audituar?

A mund të ndodhë në ndonjë vend të botës që kryeministri të mos pranojë auditin e shtetit?

Të kujt i ka paratë ai që nuk pranon të auditohet, i ka të vetat apo i ka të taksapaguesit?

Kontrolli nuk është i qeverisë, kontrolli është i shtetit dhe ai ka detyrë, tagër të kontrollojë, të auditojë çdo institucion sipas programit.

Dhe del që jo vetëm nuk pranon të auditohet… natyrisht nuk ka se po të auduitohet, dalin 22 milionë euro.

Po të auditohet dalin me qindra kuintalë valixhe diplomatike të mbushura… e dini vetë me çfarë kanë qenë të mbushura me Ismailin e tij.

Po të auditohet dalin shishet 33 mijë euro Romanee Conti.

Po të auditohet dalin gjëra monstruoze që nuk i dëgjon kund.

Ndaj dhe ai refuzon.

Ai merr përsipër të refuzojë auditin, në një anë kërcënon prokurorin, në anën tjetër ai refuzon auditin e shtetit.

Kjo është situata, ky është një narkoshtet në të cilin shteti ligjor nuk funksionon, është zëvendësuar me narkoshtetin.

Gazetarët: Z.Berisha, rezultati i votimit për z.Peleshi ditën e sotme ishte vetëm 10 vota pro, pse deputetët e opozitës nuk votuan?

Berisha: Sepse ishte çështje e raporteve. Shumë e drejtë pyetja.

Këta nuk zbatojnë asnjë ligj.

Ajo që drejtonte seancën, e detyruan të thoshte kush është dakord me këtë raport.

Por ajo duhej të hidhte të dy raportet.

Dhe pas raporteve votohej mosbesimi ndaj kryetarit.

Ajo bëri një votim kot fare sipas qejfit, sipas urdhrit.

E mbyllën. Ky është problemi.