PS rrëzon Simon Mirakën për Autoritetin e Dosjeve, Sali Berisha: Akt i shëmtuar!
Refuzimin që i bëri sot Partia Socialiste kandidaturës së Simon Mirakajt si anëtar i Autoritetit për të Drejtën e Informimit mbi Dokumentet e Ish Sigurimit të Shtetit, Kryetari i Partisë Demokratike, Sali Berisha, e cilësoi akt të shëmtuar ndërsa ata që e kundërshtuan në Komisionin për Çështjet Ligjore, Administratën Publike dhe të Drejtat e Njeriut Ligjeve, deputetët e Lulzim Bashës përgënjeshtrojnë veten!
“Ju diskriminoni dhunshëm komunitetet fetare, pronarët, të përndjekurit politikë. Tokat e komuniteteve fetare plaçkiten nga lukunia në pushtet. Diskriminim klasor u bëni të përndjekurve. Me një akt të shëmtuar sot refuzuar Simon Mirakën, njëri nga ikonat e vuajtjes së perskutimit. Në një kombinim individë që i lidh krimi, i fshin emrin për të shkuar komisioner në Komisionin e Dosjeve të Sigurimit të Shtetit,” tha Sali Berisha duke ju drejtuar socialistëve se diskriminimi i tyre ndaj qytetarëve është i pakufijshëm.
Pas kësaj deklarate kanë reaguar deputetët e Lulzim Bashës të bindur se mbledhjen ku u refuzua kandidatura e Simon Mirakajt e kanë shikuar vetëm ata:
“Asnjë nga deputetët e PD në Komisionin e Ligjeve nuk ka kundërshtuar kandidatin Simon Miraka, por kanë kundërshtuar faktin që ai ishte propozim i Sali Berisha dhe ishte i vetmi që çuditërisht u përzgjodh me votat e Edi Ramës. Në këtë rast është vënë në dukje standardi i dyfishtë i Partisë Socialiste,” duke gënjyer përmes reagimit ku Sali Berisha ishte njëri nga 28 firmëtarët propozues. Dhe jo vetm kaq!
Ky grupi që tashmë ka humbur busullën shton se revolta e tyre se ishte shprehje e faktit se me vota të deputetëve të PS u refuzuan pa asnjë shkak përfaqësues të denjë të të përndjekurve politik Marçel Hila, Skënder Vrioni, Gjergj Marku dhe Besim Ndregjoni, të cilët ishin propozuar nga shoqatat e të përndjekurve politik dhe që u votuan nga deputetët e PD në Komisionin e Ligjeve por pa sqaruar se si si mund të refuzohet.
Ndryshe, kur në Komisionin për Çështjet Ligjore, Administratën Publike dhe të Drejtat e Njeriut Ligjeve, kaluan tre kandidaturat e Partisë Socialiste, deputetët e Lulzim Bashës heshtën por kur u votua Simon Mirakaj, ata me histeri reaguan duke i akuzuar deputetët socialist si të pafytyrë, meqë njëri nga firmëtarët propozues ishte Sali Berisha, për të cilin ata “kishin bërë një betim që nuk votojnë asnjë person të propozuar nga non grata”.
Sot, për të mos cenuar realcionet bashkëqeverisëse Rama-Basha, Kryetari i Grupit Parlamentar të Partisë Socialiste, Tualant Balla, e bëri të qartë se Simon Mirakaj nuk do të votohet si anëtar i Autoritetit për të Drejtën e Informimit mbi Dokumentet e Ish Sigurimit të Shtetit meqë njëri ndër firmëtarët e propozimit është dhe Sali Berisha, ndonëse ai në Komision u votua nga deputetët socialistë.
