PS vazhdon lojën me Kodin e ri Zgjedhor, ulet pragu në 1% për llumin opozitar dhe s’ka koalicione!
Në përpjekje për të garantuar votat e llumit opozitar për ndryshimet në Kodin Zgjedhor, Partia Socialiste prezantoi në Komisionin Parlamentar për çështjet Ligjore dhe Administratën Publike Draftin me ndryshime të reflektuara pas debateve që u zhvilluan me publikimin e “grepit” të parë të PS ku nuk u kap njeri, madje as ky llum që po e mbanë Edi Ramën në pushtet.
Fillimisht Gjiknrui filloi peshkimin me ndryshimin e parë me uljen e pragut nga 3% në 1%:
Sipas formulimit të ri, fjalia e dytë e pikës 1 të nenit 162 ndryshohet si vijon: “Për zgjedhjet për Kuvendin, përjashtohen nga shpërndarja e mandateve subjektet zgjedhore që kanë më pak se 1% të votave të vlefshme në shkallë vendi”. Ky opsion është optimal dhe mund të konsiderohet si një prag natyral pasi është i përafërt me numrin e votave që i takon një mandati deputeti në Kuvendin e Shqipërisë, ishte propozimi rilindas që ktheu buzëqeshjen e llumit opozitar por që u ngri së shpejti me listat. Një rrëmujë kroate që as miku i Edi Ramës, Presidenti aktual Milanoviç nuk ia sqaron dot Gjiknurit dhe sizmologëve të tij elektoral.
Kështu, sipas variantit të ri të Nenit 163 që përcakton shpërndarjen e mandateve për kandidatët fitues të listës. Parashikohet që renditja e kandidatëve që përfitojnë mandat ndryshon nëse kandidati ka marrë një numër votash parapëlqyese më të madh se HERËSI që del nga pjestimi i numrit të votave të subjektit me numrin e mandateve të fituara nga subjekti sipas nenit 162 të këtij Kodi, por JO MË SHUMË SE 10,000 VOTA.
Ndryshimi tretë ka të bëjë me detyrimin për RI-RËNDITJEN E PJESËS SË PARË TË LISTËS që korespondon me mandatet e fituara ashtu sikurse ri-rënditjen e pjesës së dytë të listës, bazuar mbi rezultatin e votave preferenciale.
Pra, pjesa e parë e listës që përkon me numrin e mandateve të fituara ri-rënditet sipas rezultatit të votave preferenciale, pa cënuar parimin e kuotave gjinore. Kandidati me më pak vota preferenciale spostohet në vendin e fundit, brenda pjesës së parë të listës që korespondon me mandatet fituese. Më pas, kryhet ri-rënditja e pjesës së dytë të listës, bazuar mbi rezultatin e votave preferenciale. Nëse në pjesën e dytë të listës rezulton se një ose disa kandidat kanë numër votash më të lartë se herësi, përfitojnë mandat duke zëvendësuar kandidatin/tët e fundit në rënditje që do të përfitonin mandat sipas renditjes së pjesës së parë të listës, bazuar në votat që ka marrë secili prej tyre dhe kur ata kanë më pak vota preferenciale. Në këtë formë garantohet që kandidati i cili ngjitet nga pjesa e dytë e listës tek ajo fituese sposton poshtë dhe i zë vendin kandidatit që ka numrin më të vogël të votave preferenciale. Ky rregull nuk zbatohet nëse kandidati me më pak vota i përket gjinisë më pak të përfaqësuar. Në këtë rast zevendësimi kalon tek kandidati tjetër i renditur menjëherë më lart me numër votash deri në shterimin e listës sipas të njëjtave kritere.
Dhe, ndryshimi i katërt, parashikohet në nenin 67, ku përcaktohet se Kryetari i partisë në garën zgjedhore kur ajo konkuron e vetme, ose partisë udhëheqëse të koalicionit kur garojnë disa parti sëbashku në një listë, MUND TË REGJISTROHET NJËKOHËSISHT DERI NË KATËR ZONA ZGJEDHORE. Në fazën e ndarjes së mandateve, lihet në vullnetin e tij/saj që të deklarojë në cilën zonë zgjedhore do të marrë mandatin duke hequr dorë nga zonat e tjera.
Llumi opozitar normalisht nuk u shqetësua që Partia Socialiste kishte lënë të gjitha nenet e tjera duke përfshirë ato që kanë të bëjnë me përkufizimin për koalicionet ama për momentin janë të vendosur për hapjen e listave 100%, si armën e vetme të cilën e kanë projektuar në kokën e tyre, jo për të fituar por për ti dhënë fund Partisë Demokratike!
