PS vazhdon me dhunën në Elbasan, e lëshon Gjergj Lucën në terren: Sulmon Luçiano Boçin!
Pas incidentit të ndodhur në një lokal në Labinot të Elbasanit, mes biznesmenit Gjergj Luca dhe kandidatit për deputet të Partisë Demokratike, Luçiano Boçi, ky i fundit ka bërë denoncimin në prokurori ndërsa në reagimin e tij të parë thotë se kemi të bëjmë me agresion me motive politike. Luca nuk e ka mohuar sulmin ndërsa fjalori i tij ishte në gjatësitë e valës së shefit të tij që inkurajon dhunën
“Agresion me motive politike. Të majtët janë në panik, të frikësuar nga humbja. Isha në një takim elektoral në Labinot, Ku z.Luca ka disa biznese. Kisha një takim me demokratët dhe ai është afruar duke më ofenduar dhe më pas ka pasur një përplasje fizike.
Gjatë përplasjes me ka kërcënuar me jetë. Menjëherë pas incidentit i jam drejtuar organeve ligjzbatuese për të kryer procedurat. Me datë 25 prill do t’i zbresim nga froni banditat. Shqipëria është e shqiptarëve dhe jo e banditave. Unë kam bërë hapat e parë ligjor për denoncimin. Është në përgjegjësinë e prokurorisë për të ndjekur hapat e tjerë,” tha Boçi duke shtuar se këta hapa duhet të reflektojnë qëndrimet e institucioneve të drejtësisë ndaj padrejtësisë qofshin politike dhe jo politike në rastet kur dhe kjo përplasje është toleruar ndërsa përfundoi:
“Luca ka histori të pasur përplasjesh në Labinot dhe grabitjet, edhe nuk i ka hyrë gjemb në këmbë. Normal se i duket vetja trim, i duket vetja i mbështetur nga kryeministri, por këta trima pas datës 25 do të jenë ata frikacakët qëe do t’i luten njerëzve për mëshirë, Ishte i shoqëruar me dy tre badigard. Ky zotëri që as zotëri nuk mund ta çuajë, vjen godet dhe më pas e agravon situatën saqë kërcënon dhe me jetë.”
Gjergj Luca nuk e mohoi dhunën por kishte një arsyetim të çuditshëm. I shërben Edi Ramës dhe thotë se nuk ishte mësuar të shoh politikan që sillet si rrugaç:
“Politikan që sillet si rrugaç nuk jam mësuar të njoh. Ky është rasti i parë. Isha duke u futur që të pija një kafe, ky ishte vetë i dytë, vetë i tretë mos gaboj, filloi duke më sharë, iu ktheva duke i thënë ça ke, pse më ngacmon, donte më çdo kusht të më ngacmonte. Luçiano ka tentuar disa herë, në fakt, nxori në rrugë njerëzit duke thënë se kam bërë shkollën dyqan peshku dhe herën tjetër nxorri komshinjtë e mi më erdhën te dera, nuk i kam thënë kurrë asgjë duke menduar se e bën për politikë. Më provokoi, më shau dhe më e bukura është se më kanë grabitur telefonin, më ra telefoni në tokë dhe ma kanë marrë, nuk ma japin, megjithatë uroj që kjo të zbardhet. I kanë kamerat dhe ta zbardhin.”
