Pse dhe kush e solli kriminelin serb në Universitetin “Luarasi”?!
Dje u shit si një hata e madhe marrëveshja e bashkëpunimit në mes të Universitetit “Luarasi” dhe atij “Singidunum” nga Serbia, siç u tha, në kuadër të partneritetit me universitetet më të mëdha prestigjioze në rajon, Europë e më gjerë.
Sikur edhe të arsyetohet prezenca e Presidentit të Singidunum University, Millovan Stanishiç, për faktin se krerët e “Luarasit” nuk ishin në dijeni se kemi të bëjmë me një kriminel, çuditë fakti i injorancës së Bordit të këtij universiteti që nuk informohet para firmosje së një marrëveshje ndërkombëtare nga Ambasada jonë në Beograd, meqë ai i Serbisë, Mirolub Zariç është i atij soji, ndërsa situatën e bënë më të rëndë prezenca e Sekretarit të Përgjithshëm të Zyrës Rajonale të të Rinjve për Ballkanin Perëndimor, Duro Blanusa, organizëm ky i dal nga Procesi i Berlinit.
“Jemi të impresionuar nga zhvillimi i universitetit “Luarasi”. Stafi akademik është shumë profesional dhe ne shpresojmë që të shkëmbejmë eksperiencat në të dyja drejtimet për përfitime të përbashkëta për universitetet,” tha Stanishiç pas firmosje së marrëveshjes me universitetin “Luarasi” por do zoti që pedagogët shqiptarë dhe biznesi që themeloi “Luarasin” të mos pëlqejnë ose kopjojnë asnjë nga përvojat e kriminelit serb Millovan Stanishiç. Pse?!
A do ti dal dikush në rrugë këtij krimineli
Kur në nëtorin e vitit 2015 e përditshmja serbe “Press Online” publikoi të gjitha bëmat kriminale të Millovan Stanishiçit, vetëm një gjë nuk ishte e qartë, a do ta ndalë dikush këtë kriminel.
Nga fundit i vitit 2014, Kuvendi i aksionerëve të “Komercijalna Banka” ka zgjedhur Bordin e ri drejtues. Në krye të Bordit drejtues në atë kohë u zgjodh Prof.Dr.Millovan Stanishiç, pronar i Universitetit privat “Singidunum”.
Dhe, këtu nuk do ishte asgjë e jashtëzakonshme, thekson “Press Online”, sikur me këtë emërim mos të vazhdonte “krimi bankar”, meqë në krye të bankës “Komercijalna Banka” të mos vinte një njeri që ngarkohej me mbi 15 padi penale, kryesisht për mashtrim (shtyrjen e qëllimshme të ndërmarrjeve në falimentim, rrëmbimin e fakulteteve me dokumente ta falsifikuara etj.).
Stanishiç ka dhe dy vendime të formës së për tre muaj burg, me kusht për një vit, por, gjithashtu me ryshfet, ka arritur që ti ikë burgut. Dhe, kështu një “ekspert financiar” i këtij lloji, për vetëm disa muaj në krye të bankës “Komercijalna Banka”, arrinë që këtë bankë, deri në arritjen e tij të shëndoshë, ta shkatërroj deri në atë derexhe sa së shpejti do ta marrë fondi gjerman.
Millovan Stanishiç, përndryshe është dëshmuar si njeri me prirje për punë të paligjshme dhe pafundësisht “i pangopur për para”, shpiku se si përmes degës së kësaj banke në Vranje, të “pastroj” para me “borxhe” të ndërsjella bankë-klient dhe klient-bankë. Klientët dikur ishin edhe “klient special”, por burime të gazetës “Press Online” të afërta me krerët e bankës, theksojnë se po “përflitet” që paratë janë “pastruar” edhe për njerëzit e afërt të bossit të drogës, Dushko Shariç.
Pas artikullit të gazetës “Press Online”, Stanishiç ishte “larguar” nga vendi i Presidentit të Bordit drejtues të bankë “Komercijalna Banka”.
Millovan Stanishiç, me mashtrim i rrëmbeu fakultetin profesorit Millan Stamatoviç dhe profesorit Nebojsha Sharkiç, me ndihmën e dokumenteve të falsifikuara dhe korruptimit të postierit. Postieri përfundoi në burg, e Stanishiç shpëtoi, siç parashikohet duke korruptuar gjyqtarin.
Organet e hetuesisë e kanë të dyshimtë mënyrën, se si Stanishiç erdhi tek godina e cila ndodhet në rrugën e Danielit, duke çuar në falimentim disa ndërmarrje shtetërore, të cilat kanë punuar në këtë godinë. Në manipulim ishte përfshirë ndërmarrja e tij “Stanišić Audit“, e cila bëri përcaktimin e vlerës së godinës!
E njëjta gjë po ndodhë me qëllimet e Stanishiçit për blerjen e godinës së ndërmarrjes “Prokupac”. Edhe kësaj radhe përcaktimin e vlerës së godinës e bëri ndërmarrja në fjalë. Krimit kurrë nuk i erdhi fundi.
Organet hetuesisë, në vitet e fundit, janë preokupuar me veprat kriminale, që po ndodhin në Universitetin e Stanishiçit “Singidunum“. Në fakt, ky mashtruesi, i cili në jetën e tij asgjë nuk ka bërë me ndershmëri, thjeshtë u ka shitur diploma studentëve të Libisë, duke i regjistruar në studime pa e parë paraprakisht arsimin e tyre, duke ju mundësuar që vetëm për disa javë, të marrin diplomën e këtij universiteti. Në këtë mënyrë të paligjshme, dyshohet sa ka marrë një sasi të madhe parash. Hetimi për këto vepra kriminale, vazhdon. Ndërkohë, Univresitetit “Singidunum” i ndalohet të regjistroj studentë nga Libia, me kërkesën ekskluzive të Ambasadës së këtij shteti në Beograd!
Millovan Stanishiç është implikuar në mënyrë të drejtëpërdrejtë në korrupsionin e arsimimit të lartë. Me korruptimin e anëtarëve të Komisionit të akreditimit dhe vlerësimit të cilësisë, KAPK, si dhe udhëheqjes së Këshillit kombëtar për arsimin e lartë, NSVO. Stanishiç, në universitetin e tij “Singidunumu“ në mënyrë fiktive kishte punësuar kryetarin e asaj kohe të NSVO, profesorin Srgjan Stankoviç, duke i paguar në formën e një rroge, “shërbimin” që ai i bënte në procesin e akreditimit të “Singidunum“.
Në të njejtën kohë, Stanishiç “punësoi” dhe profesorin e Fakultetit Ekonomik në Beograd, Nebojsha Janiçijeviç, i cili në atë kohë ishte Nënkryetar i KAPK! Që korrupsioni nuk ka fund, dhe pafytyrë ky mashtrues, shkruan “Press Online”, tregon dhe fakti se ka punësuar vetëm për dy javë, profesorin Endre Papa, pasi ai u bë kryetar i Komisionit për akreditim, në përbërjen e kaluar!
Me këto vepra kriminalo-korruptive Stanishiç siguroi akreditimin e shpejtë të Universitetit të tij “Singidunum“, (për vetëm 6 javë), si dhe pengimin e akreditimit të tjerëve, universiteteve private konkurrente!
Dyshohet që Millovan Stanishiç, në mënyra të ndryshme, ndikon edhe në punën e Komisionit për akreditim dhe vlerësim të cilësisë me përbërjen e re, dhe organet kompetente vazhdojnë në mënyrë të pandërprerë të mbikëqyrin punën e këtij Komisioni dhe kryetarit të saj Qemal Doliçanin. Ndryshe, Doliçanin në periudhën 2005-2010, ishte anëtar i Komisionit për akreditim dhe NSVO, dhe për këtë arsye, nga kjo periudhë kanë ngelur dhe dyshimet, të cilat do ti konfirmojmë ose përgënjeshtrojmë kur të vijmë deri te deklaratat e dëshmitarëve nga ajo kohë ose kur të kemi në dispozicion dokumentet përkatëse. Gazetarët tanë janë duke punuar në mënyrë intensive lidhur me këtë çështej, shkruan “Press Online”.
Në fund, duke përmbledhur biografinë kriminale të Millovan Stanishiçit me të dhënat, shkruan e përditshmja serbe “Press Online”, se para dhjetë viteve ka shpërthyer një bombë nën makinën e tij, siç parashikohet për shkak të borxheve që i ka fajdexhinjve, prej të cilëve ka marrë hua. Gjithashtu, para disa viteve, i është plaçkitur shtëpia që ka tek Varrezat e reja, ku hajdutët kanë marrë bizhuteri prej ari dhe para cash, në vlerë prej rreth 500 mijë euro. Para se ta denonconte plaçkitjen, Stanishiç shkoi deri tek zyrtari i lartë i policisë në atë kohë në Ministrinë e Brendshme të Serbisë, për tu këshilluar, duke i ofruar si kundërshërbim, që ti punësoj gruan (siç ishte rasti, për shembull, si kundërshërbim që i punësoi bashkëshorten e rektorit të asaj kohe të Universitetit të Beogradit, Branko Kovaçeviç). Këshilla e zyrtarit policor në fjalë ishte që të mos e denoncoj plaçkitjen, pasi që do të duhej të sqaroj prejardhjen e kësaj shume të madhe të parave dhe bizhuterive prej arit. Stanishiç e dëgjoi!
Kështu, bazuar në këto të dhëna të publikuara nga e përditshmja serbe “Press Online”, është e paqartë “mbyllja e syve” e Zyrës Rajonale të të Rinjve për Ballkanin Perëndimor para firmosjes së kësaj marrëveshje; Nëse kësaj i shtojmë edhe Mini Shengenin i cili është paralajmëruar nga Presidenti i Serbisë, Aleksandar Vuçiç, se këto ditë të firmoset në Beograd, shumë gjëra ngatërrohen, si me Ambasadën e Shqipërisë në Beograd, Ministrinë e Jashtme, Ministrinë e Arsimit, dhe në fund sqarohet propagandimi i Nexhmije Hoxhës që i bënë gazeta më e madhe në vend “Panorama”, si njëra nga pronat e pronarit të Universitetit “Luarasi”, kur dihet që Millovan Stanishiç u emërua drejtues i Bordit të bankës më të fuqishme në Serbi, “Komercijalna Banka” që ishte themeluar me paratë e familjes së kriminelit Sllobodan Millosheviç, dhe u përjashtua nga ky post sepse ishte vënë në shërbim të bossit më të madh të drogës në Serbi dhe jo vetëm, Dushko Shariç.
