Pse fyhet dhe gënjen Jozefina Topalli?!
Ndërsa procesi i përzgjedhjes së kandidatëve për deputetë në Partinë Demokratike po shkon drejtë fundit, përpjekjet për minimin e këtij procesi nuk kanë të ndalur. Pas goditjes së parë me listën e kandidatëve, televizioni i Spitalit që blen Spitale i jep goditjen e dytë , por këtë radhë duke rritur nivelin dhe intensitetin goditës.
Pasi informon opinionin publik se Komisioni i Vlerësimit të Kandidatëve mes shumë emrave të përzgjedhur ka vendosur të njoftojë se është përzgjedhur për në fazën e dytë të procesit edhe Ish-Nënkryetarja e PD-së, së cilës i është kërkuar të plotësojë edhe formularin e ku duhet të shpjegojë kontributet që ka në Partinë Demokratike, Topalli përmes Abc News sqaron pozicionin e saj në raport me këtë propozim.
“Formulari nuk demokratizon një forcë politike. Ai është një fyerje. Unë jam prekur nga propozimet e demokratëve. Ata janë idealistë dhe e dinë që unë i dua ata. Kemi bërë beteja bashkë. Kemi rrezikuar bashkë. Kemi ëndërruar bashkë. Kemi fituar bashkë. Unë jam e lidhur me çdo demokrat. Por unë nuk do i gënjej ata. Nuk i kam gënjyer kurrë. Unë i them atë që mendoj dhe besoj. Nëse vërtetë Lulzim Basha kërkon të largojë Edi Ramën , ai duhet t’i lëshojë vendin një njeriu tjetër të pa korruptuar. Vetëm kështu bashkohen demokratët e përçarë dhe largohet Rama.”
Kështu, ajo gënjen kur thotë se nuk gënjen dhe gënjen duke mos e sqaruar televizionin e Spitalit që blen Spitale, se një gjë e tillë nuk mund ti kërkohet, ashtu siç sqaron kontributet e saj në PD që nuk mund t’ia mohoj askush; Dhe, godet kryetarin e PD, Lulzim Basha.
Pse gënjen Jozefina Topalli?! Udhëzimi Nr.60 i datës 25.062020, jo i Lulzim Bashës por Kryesisë së PD, sqaron rregullat për realizimin e procedurës së propozimit, konsultimit dhe përzgjedhjes së kandidaturave për përfaqësim politik të Partisë Demokratike, në nivel qendror dhe lokal.
Jozefina Topallin mund ta akuzosh për shumë gjëra por jo se nuk lexon, dhe meqë është e kujdesshme në këtë pikë, ajo nuk e kaluar shkarazi Pikën 23. për ta lënë fatin e saj në duart e Komisionit të Vlerësimit të Kandidatëve, i cili edhe mund të ndikohet nga Kryetari i PD, Lulzim Basha.
Po çfarë thotë Pika 23. e Udhëzimit! Duke sqaruar afatin e përcaktuar për plotësimin e Formularit të Vetëdeklarimit në Pikën 23. është përcaktuar qartë se “përjashtohen nga detyrimi për të plotësuar Formularin e Vetëdeklarimit kandidatët që, në 10 vitet e fundit, kanë patur mandat përfaqësimi politik të Partisë Demokratike, si deputet dhe kryetar bashkie.”
Meqë nuk e ka një detyrim të tillë kandidatja e propozuar nga demokratët shkodranë, siç thotë ajo, pse është fyer Jozefina Topalli?! Dhe, sikur dikush nga Sekretariati i Komisionit të Vlerësimit edhe të kishte rrjedhur nga trutë, dhe do ti kërkonte zonjës Topalli një gjë të tillë, si gazetari i televizionit të Spitalit që blen Spitale ashtu dhe Jozefina Topalli, duhet ta kritikonin Partinë Demokratike, se si mund ti kërkohet plotësimi i Formularit një zonje e cila 10 vjet më parë, përcaktonte se kur duhet të dal dielli ose kur duhet të bjerë shi në PD ndërsa Pika 23 e Udhëzimit është e qartë!
Cili është misioni i Jozefina Topallit?! Ish-Nënkryetarja e Partisë Demokratike, Jozefina Topalli mburret me të kaluar e saj politike dhe ka të drejtë. Por sot çfarë halli ka?!
Nëse dikush e ka bindur se nuk ka kush ta sulmoj kryetarin e Partisë Demokratike, Lulzim Basha, të jetë e qetë dhe të vazhdoj punën që i dhuroi i biri i kriminelit komunist, Ditmir Bushati!
Nëse i është mbushur mendja se duhet të shkatërrohet Partia Demokratike pse ajo nuk u fut në listën për deputetë në vitin 2017, edhe për këtë lajthitje të jetë e qetë. Lulzim Basha ka shumë vendime të pavenda që nga zgjedhja e tij në krye të PD, ama në këtë rast vendimi ishte shumë i qëlluar; Këtë e dëshmoi koha, dhe Jozefina Topalli iku në prehrin e Edi Ramës!
Në fund, Ish-Nënkryetarja e PD duhet ta kuptoj se Partia Demokratike ka ekzistuar dhe do të ekzistoj edhe pa Jozefina Topallin e Lulzim Bashën, dhe, jo për inatin e Edi Ramës!
Dhe, për këtë arsye, Jozefina Topalli kot e ka ashtu si dhe porositësi i sulmeve ndaj procesit të përzgjedhjes së kandidatëve për deputetë dhe kryetar të bashkive. Procesin nuk e shpiku Lulzim Basha, por e propozoi Kryetari i PD dhe e miratoi Kryesia dhe Këshilli Kombëtar për të vetmen arsye, rezultoi model suksesi!
