Pse gënjen Safet Gjici?! MM: Në Majën e Rrunës dhe Thirrë po vijon puna…

Ndonëse Ministri i Mbrojtjes, Niko Peleshi foli për aksionin mbi tunelin e Kalimashit i cili kishte përfunduar në oët e mëngjesit dhe në vërejtjen e gazetarit mbi kontributin e FSK falënderoi këto forca që shmangën katastrofën, Kryetari i Bashkisë Kukës, Safet Gjici, nxitoi të mbrojë ministrin e Edi Ramës që u kritikua nga raportimet në media duke theksuar se forcat ushtarake dhe zjarrfikëset nga Kosova erdhën kur zjarri mbi tunelin e Kalimashit ishte neutralizuar.

Kryeministri Edi Rama duke kursyer veten nga deklaratat antikosovare nxori këtë analfabet jofunksional për të thënë se zjarri ditën e djeshme në tunelin e Kalimashit ishte izoluar rreth orës 11 të natës teksa tashmë kanë mbetur vetëm disa trungje që nxjerrin tym edhe pse dhjetëra gazetarë ishin aty dhe raportuan deri në orët e para të mëngjesit.

“Nuk ka më rrezikshmëri. Që nga ora 2 e ditës së djeshme deri në orënt e para të mëngjesit, zjarrfikëset e Shqipërisë, Kukësit, ambulancën e aeroportit, zjarrfikëset e aeroportit, 4 zjarrfikëse po bënin një operacion, kanë ndërhyrë, dhe shuan zjarrin. Asnjë sekondë nuk u ndërpre Rruga e Kombit falë zjarrfikëseve.

Zjarri erdhi shumë shpejt prej erërave të forta, deri mbi tunel, natyrisht që pra të ndalonim dhe izolonim zjarrin nga ora 11 e natës dhe pastaj të shuanim dhe sot që po flasim nuk ka më, thjesht janë disa trungje që nxjerrin tym. Patjetër, erdhën në ndihmë vëllezërit tanë të Kosovës, por kur erdhën ishte neutralizuar zjarri. I falenderojmë shumë për ndihmën,” tha Safet Gjici për News 24 ndërsa vazhdoi të falënderoi FSK dhe zjarrfikëset e Kosovës, por tha se nuk ndërhyjnë dot.

Ndryshe nga Safet Gjici, Ministria e Mbrojtjes së Kosovës dhe ajo Shqipërisë japin raporte mbi operacionet që vazhdojnë në këtë zonë.

Kontingjenti i Forcës së Sigurisë së Kosovës, FSK, ka zbarkuar dje në Republikën e Shqipërisë për t’i dalë në ndihmë në shuarjen e zjarreve njësive ushtarake të ushtrisë shqiptare që po operojnë në rajonin e Kukësit.

Operacioni i shuarjes së zjarreve nga pjesëtarët e FSK-së ka filluar dje dhe aktualisht është duke operuar për fikjen dhe kontrollin e zjarreve në zonën e Kalimashit dhe fshatit Shënmëri në perëndim të Kukësit.

“Forca e Sigurisë së Kosovës është e gatshme në përmbushjen e misionit kushtetues. Vetëm të bashkuar mund ta tejkalojmë situatën e shkaktuar nga zjarret,” thekson FSK përmes një njoftimi duke saktësuar se Kontingjenti i FSK-së është i përbërë nga tri skuadra të zjarrfikëse dhe shpëtimit të Gardës Kombëtare si dhe një ekip i Kompanisë për Operacione me Civil.

Ndërsa Ministria e Mbrojtjes e Shqipërisë duke bërë një pasqyrim të plotë situatës së zjarreve në vend thekson se në Majën e Rrunës, po vijon puna me intensitet nga toka e ajri për shuarjen e zjarrëve, në ndihmë në këtë zonë ka ardhur edhe Forcat e Armatosura të Kosovës. Gjithashtu, sipas njoftimit, thuhet se operacionet nga toka e ajri po vijojnë në Thirrë, ku po punohet për normalizimin e situatës.

Ndërkohë në qarqet Gjirokastër, Fier, Dibër, Tiranë, Elbasan dhe Shkodër situata paraqitet pa probleme.

Njoftimi i Ministrisë së Mbrojtjes:

Situata e zjarreve në vend

Disa vatra zjarri në veri dhe në jug të vendit janë më problematike, aktualisht në të gjithë territorin.

Po vijon me intensitet puna nga toka dhe nga ajri për shuarjen e zjarrit në “Majën e Rrunës”, njësia administrative Malzi. Forcat e Armatosura të Shqipërisë kanë mundësuar izolimin e vatrës tek zona Qafa e Kumbullës, ndërsa FSK e Kosovës janë përqendruar nga ana e Lakut të Mollës, e cila vijon të jetë aktive me intensitet të lartë, në pjesën që është në kufi me Pukën. Edhe pjesa e zonës nga Laku i qershive vijon të mbetet problematike. Terreni i pjerrët dhe shkëmbor ndërlikon punën e forcave nga toka, por nuk ka rrezik për banesa dhe situata po ndiqet nga strukturat e posaçme.
Forcat nga toka dhe nga ajri janë përqendruar në fshatin Thirrë në Fan të Mirditës, ku po punohet për ndërprerje të përhapjes së flakëve dhe normalizimin e situatës. Pjesa në anë të tunelit është nën kontroll, ndërsa pjesa tjetër e malit vijon të ketë prani flakësh.

Vijon puna për shuarjen e zjarrit në fshatin Munellë dhe Domgjon. Forcat që janë në terren janë të përqendruara duke mbajtur të izoluar anën e fshatit Domgjon. Momentalisht vatra e zjarrit ka një shtrirje të madhe në terren të thyer dhe është i vështirë izolimi në tërësi i saj. Në terren po punojnë edhe efektivë të FA për ta mbajtur nën kontroll, në mënyrë që të mos kalojë në zonë të banuar.
Po ashtu problematike mbetet situata në vatrën mbi fshatin Dukat, e cila ishte stabilizuar më herët, por ka patur një rindezje të flakëve. Operacioni po vijon nga toka dhe nga ajri. Edhe në këtë zonë nuk ka rrezik banesazh

Ka vijuar të jetë aktive një vatër në fshatin Patalej të Lezhës, ku forcat po punojnë për të izoluar një pjesë zjarri në drejtim të rrugëve të fshatit. Nuk ka rrezik për banesa edhe në këtë zonë.

Zjarret në Krushovë, Gjonomadh dhe Leshnjë në bashkinë Korçë si dhe zjarri në zonën e quajtur Guri i Nikës në bashkinë Pogradec po mbahen nën kontroll nga forcat në terren dhe teri tani nuk paraqesin problem.

Po mbahen nën monitorim vatra e riaktivizuar në sipërfaqen me shkurre në Malin e Tomorrit, në zonën shkëmbore mbi “Teqenë e Kulmakut”, fshati Ujanik, për të eleminuar rindezjet nga era dhe trungjet e ndezur.

Në qarqet Gjirokastër, Fier, Dibër, Tiranë, Elbasan dhe Shkodër situata paraqitet pa probleme.