Pse gishti i Belos çorientoi Lali Erin?!
nga Agim Popoci
Mesazhi i kandidatit të Koalicionit “Bashkë Fitojmë” për kryetar të Bashkisë Tiranë, Belind Këlliçi, me gishtin e tij të mesit për këdo që abuzon me taksat e qytetarëve të Tiranës, shkaktoi një furtunë të madhe në rrjetet sociale dhe jo vetëm, ku vend të veçantë zuri morali mbi përdhosjen dhe mbrojtjen e traditës sonë shqiptare!
Ekipi i Belind Këlliçit u mundua kot të sqaroj fabulën e “Duart e Belos, kështu i drejtohen korrupsionit” kur njerëzit e Fugës dhe Lai Erit morën situatën propagandistike në duart e tyre të pista duke hedhur një lumë akuzash mbi kandidatin e djathtë që ka fituar dukshëm terren në garën për Tiranën!
Ndonëse fitorja e kryetarit aktual të Bashkisë Tiranë u cenua me shpalosjen e dy projekteve të jashtëzakonshme të transportit urban falas dhe nënkalimit te Sheshi Skënderbej nga Belind Këlliçi, gishti i mesit për korrupsionin ishte shkëndija që ndezi llambën në terrin në të cilin ishte futur Lali Eri duke mbjellur pemë nën urdhrat e tutorit të tij, Edi Rama, që tani papritur iu tha, vetëm përpara!
Papritur, sepse me urdhrin, vetëm mbrapa, si dëshira ashtu dhe qëllimi i krijimit të shoqërisë së hapur të Xhaxhit Sorosit, bëri që të financohet një fushatë e tërë dhe të krijohet një organizim i cili solli në krye të Bashkisë Tiranë nga e cila kishte ikur Edi Rama, dy meshkuj që pëlqehen kur organizojnë party me rroba banjo të femrave; Po, pra, Lali Eri dhe Mazniku!
Në këtë situatë, ekipi i Belos nuk duhet të shpenzoj kaq shumë energji duke i sqaruar të gjithë të indoktrinuarit për mesazhin e gishtit, por duhet ta kuptoj se sot ushtria e patronazhistëve nuk janë irrituar dhe as nuk bëjnë fushatë të kot irritimi në rrjetet sociale dhe jo vetëm, por, thjeshtë janë çorientuar sapo kanë parë gishtin e botës së tyre, pa u interesuar fare për qëllimin e duarve të Belos!
Ndonëse Xhaxhi Soros ndërroi urdhrin për të ndihmuar fushatën e tij prindërore që i ka ngecë, dhe nga mbrapa doli vetëm përpara duke lënë pa plan të momentit Lali Erin me lopatë në dorë, e gjithë kjo furtunë imagjinare u ngritë për të kuruar krizën e këtyre dy drejtuesve bashkiakë para depresionit, dhe nuk ka të bëjë me politikë!
Ndryshe, deri sa ishte në fuqi urdhri vetëm mbrapa, gishti i mesit që Edi Rama e përdorte kudo, nuk ishte vetëm mesazh për opozitën por dhe kryeinspirim elektoral i gjeneratës së re të trashëgimtarëve të nomenklaturës komuniste, që Lali Eri me Maznikun po i afronin në strofullën e cila lindi dhe u rrritë nga dylberat partiak, Partinë Socialiste.
Sot Dylberat tashmë Fiskal të ripagëzuar si Pataronazhistë kanë të drejt kur ankohen për gishtin e Belos sepse ishte ky gisht si nxitje rreth të cilit ishin përbashkuar që në fillim, normalisht jo për të luftuar korrupsionin por për të nxitur të rinjtë që t’iu bashkohen në luftën e tyre me armikun, që për këtë kastë kriminale ishte dhe është e djathta shqiptare, që po shkatërron të ardhmen e Shqipërisë!
Dhe, përnjëherë, kur e djathta shqiptare filloi të shënoi rritje, për çështje pragmatike dhe propagandistike të Xhaxhi Sorosit, Lali Erit dhe Maznikut iu mohua ajo rreth të cilit ata ishin mbledhur, dhe iu tha kurrë më mbrapa, vetëm përpara!
Edi Rama, si përdorues i gishtit si karrem e kupton çorientimin e Lali Erit, u mundua ta relativizoi furtunën e ngritur nga Lali me përdorimin e dy surretërve të Belos, jo se ka frikë nga ndonjë ndëshkim për abuzimin që bënë me taksat e qytetarëve të Tiranës, por, nuk ka rrugë tjetër!
Edhe Edi Rama njeri është, ka marrë urdhër, madje tashmë dhe nga Alexi, vetëm përpara, në përpjekje për të humbur gjurmët e domosdoshmërisë së Prindit 1 dhe Prindit 2, meqë në fillim u ishte thënë, vetëm mbrapa!
Sidoqoftë për shqiptarët pak rëndësi kanë gjurmët kur shohim ujkun Soros në mesin tonë!
