Pse Mini Shengeni nuk bashkon serbët?!
nga Agim Popoci
Nga momenti që u bë publike ideja e Presidentit të Serbisë, Aleksandar Vuçiç, për Mini Shengen, kryeministri Edi Rama u hodh në fushatë për të bindur shqiptarët se me këtë projekt nuk do të ketë kufi në mes të Kosovës dhe Shqipërisë, dhe, kjo është rruga për bashkimin e shqiptarëve!
Ndërsa krimineli serb i luftës, Aleksandar Vuçiç, që vazhdon të shoqërohet me Edi Ramën në rrugëtimin e tij për realizimin e projektit, që vetë është shprehur se ka autorësinë, ka folur shumë për këtë projekt, për lëvizjen e lirë të njerëzve dhe mallrave dhe tregun e përbashkët, por, kurrë në asnjë moment nuk është shprehur se Mini Shengeni bashkon serbët dhe heq kufirin në drejtim të Bosnje Hercegovinës, Malit Zi, Kosovës, Maqedonisë së Veriut e madje edhe Vojvodinës me murin njerëzor që ka krijuar me hungarezët, përkundër kufirit zyrtar që ka!
Për ta kuptuar këtë realitet, për ta kuptuar pse vëllait të tij Vuçiç nuk i duhet Mini Shengeni për bashkim kombëtar, Edi Ramës nuk i duhet takimi me Baton Haxhiun në pubet e Prishtinës por vetëm një ditë punë me makinë përgjatë vijës kufitare të Kosovës ose një ditë punë me një hartograf jokomunist.
Pas këtij rrugëtimi, Edi Rama në rastin më të mirë për Kosovën do ti kërkoj falje Kryeministrit Albin Kurti, dhe në rastin më të keq për Serbinë, do ta tradhtoj vëllain Vuçiç. Pse?!
Në veri të Kosovës, Edi Rama meqë nuk shkel dot pa lejen e Vuçiçit nuk ka nevojë të humb kohë dhe energji. Atje, ku nuk gjen dot asnjë serb por vetëm kriminelë çetnikë, ata ishin dhe janë të qartë, “Kosova është Serbi”, dhe Mini Shengeni që Kryeministri i Shqipërisë e pretendon, nuk ka se si e bashkon “Serbinë me Serbinë”.
Të njëjtën situatë e ka në lindje të Kosovës ku gjithashtu pa lejen e Vuçiçit nuk shkel dot, po aq sa një Abetare shqiptare! Sapo të shkelë në Medvegjë, aty jo njerëzit po as zogjtë nuk guxojnë të flasin shqip. E ata pak shqiptar krenar që jetojnë me plumb serb mbi kokë, si dje ashtu edhe sot e kanë të qartë se janë të tradhtuar jo vetëm nga Edi Rama. Mini Shengen ose jo, pak rëndësi ka për shqiptarët që jetojnë atje, ndërsa çetnikët serbë, mund të çuditet Edi Rama pse dhe në këtë anë, por këtë situatë mund t’ia sqaroj vëllai i tij kriminel, Aleksandar Vuçiç sepse duhet t’ia nis që nga Akademia serbe e Shkencave, Toplica, Pashiçi, Rankoviçi, Millosheviç, për të ardhur te vetë ai, me politikën kriminale serbe.
Në kufi me Malin e Zi, Edi Rama, nuk detyrohet të kërkoj leje nga Gjukanoviçi, mund të shkel pa problem deri në Plavë, ama rrugës për në Berane, në fshatin e parë të quajtur Andrijevicë, duhet ë kërkoj leje nga Vuçiç, nëse i shkon mendja të freskohet me një ujë të ftohtë ose të nxehet me një çaj të ngrohtë. Aty nu ka njerëz, vetëm serbë, dhe janë kriminel çetnik, luftëtar besnik të kriminelit të luftës, Aleksandar Vuçiç. Ti pyesësh për Mini Shengenin nuk të bëjnë derman, ama po ti pyesësh se si do ta shkatërrojnë shtetin e Malit të Zi, kapin lahutën dhe fillojnë numërimin sa e sa shqiptarë e malazez kanë vrarë ndër breza. Kriminelin serb të luftës, Vojisllav Sheshel, e kanë gjeneral, ndërsa vëllain e Edi Ramës, Aleksandër, komandant që po i çon “në rrugë të drejtë për shkatërrimin e shtetit të Malit Zi”.
Edi Rama nuk tronditet për gjendjen e shqiptarëve, kjo dihet, por këtu ndoshta mund të jetë i habitur nga serbët që vazhdojnë të mbajnë fotografitë e Sheshelit në dyqane, dhoma, kuzhinë e banjo, por për ta edhe Andrijevica është Serbi dhe e tillë ishte gjithmonë me ose pa Mini Shengen!
Asgjë nuk ndryshon edhe nëse merr rrugën për të kaluar nga Deçani në Vrakë. Po, duhet ti marrësh leje Vuçiçit nëse mendon ta sodisësh Manastirin, por nëse vazhdon rrugën me makinën e blinduar të Olsit, rruga deri në Vrakë mund të sjellë telashe vetëm nëse ke në makinë ndonjërin prej miqve ose kusherinjve të Tahir Zemës! Ndryshe, deri në Vrakë, rruga të çon vetë. Dhe, aty nuk ka thjeshtë një komunitet serb që shpreson te mëma Serbi! Jo, jo, janë po ata që i shërbyen kriminelit serb Sllobodan Millosheviç dhe sot i shërbejnë vëllait të Edi Ramës, Aleksandar Vuçiç. Shtëpitë madhore që kanë, i kanë ndërtuar me kontrabandë dhe gjak shqiptari, të Kosovës kuptohet. Njerëzore nuk gjen, sikur ta viziton me Batonin çdo ditë Vrakën, ama kriminel çetnik serb do të gjen edhe për eksport në Serbi ndonëse për ta “Vraka është Serbi” dhe nuk ka se si të eksportohen.
Për Qafë Morinën e Malësisë së Gjakovës nuk ka se pse të shqetësohet Edi Rama, për këtë pikë kufitare, atë të Qafë Prushit dhe Morinën e Kukësit kujdeset Ish-Gjeneral Sandër Lleshaj. Vërtetë nuk ka serbë, ama çetnikët nuk mungojnë!
Rrugës për në kufirin me Maqedoninë e Veriut, Edi Rama mund të llahtariset, jo rrugës për në Prevallë por drejtë Tetovës. Flamur shqiptar ose të shtetit të Kosovës, jo që nuk sheh, por nuk guxon ta kesh edhe në mendje. Serb dhe Serbi, ky është brezi kufitar deri në Han të Elezit, e po tu mbush mendja se është ndryshe mund ta konfirmosh. Linjën Dragash-Beograd e shpiku krimineli Sllobodan Millosheviç por sot më shumë ka pensionistë serbë në Shtërpce se në çdo fshat të Serbisë. Ti pyesësh për Mini Shengenin pak gjë dinë por po ti shkoj mendja Edi Ramës ti pyes këta kriminel se çfarë toke është kjo, përgjigja nuk është nga katapulti por nga zemra, “Shtërpca është Serbi”!
Sikur ta injoroj Edi Rama këtë realitet siç bënë me bëmat e Lali Erit, qendra e skive në Brezovicë mund ta konfirmoj realitetin që nuk ka Mini Shengen që e ndryshon. Për mikun e tij Hashim Thaçi, Kosova është shtet i pavarur dhe sovran por jo Brezovica. Për ta shitur këtë kompleks turistik, duhet leja e vëllait të Edi Ramës, Aleksandar Vuçiç, sikur edhe çdo makinacion me francez të përdoret në këtë lojë, siç u tentua. Prit, se harrova një detaj! Për të vajtur në Brezovicë, është vendosur një tra. Nuk e ka vendosur Qeti, është e vërtetë, ama bileta është në gjuhën amtare të Vuçiçit! Asgjëkundi Kosova shtet i pavarur i Hashimit, por vetëm gjuhë cirilike që vetëm ideatori i Mini Shengenit ballkanik e njeh!
Nëse bënë të habiturin dhe pas Hanit të Elezit kërkon serb, nuk ke se pse i kërkon nëpër mal, llahtarinë e gjen vetëm me helikopter. Aty ku kalon vija kufitare dhe toka e bukës, ara, nuk është ndarë në dysh, është tokë serbe. Pse?! Përgjigjen Edi Rama mund ta marrë nga miku Hashim dhe vëllai Aleksandër, gjithçka tjetër janë broçkulla!
Në fund të këtij rrugëtimi, nëse Edi Rama refuzon në rastin më të mirë për Kosovën ti kërkoj falje Kryeministrit Albin Kurti, pse kërkon Makro Shengenin Shqiptar, dhe në rastin më të keq për Serbinë, ta tradhtoj vëllain Vuçiç, pse kërkon Mini Shengenin ballkanik, mirë është që ta respektoj vullnetin e shumicës në Ballkan.
Asnjëra nga shtetet e Ballkanit nuk kanë asgjë personale me Aleksandar Vuçiçin edhe pse Edi Rama e trajton si vëlla. Të bashkëjetosh me Serbinë me ose pa dashje e kanë provuar që të gjithë nga Trigllavi në Vardar edhe pse kjo ëndërr nuk iu plotësua Enver Hoxhës, dhe që të gjithë pa dallim, përveç se të humbur, dolën të vrarë.
Sot, në ëndrrën për të jetuar në Mini Shengen ballkanik, ka kush ja hap sytë Edi Ramës me ose pa Albin Kurtin kryeministër të Kosovës. Por kjo nuk do të thotë se Edi Rama nuk mund të futet në BE si pjesë e Serbisë. Ëndrrën për të jetuar në Serbi, Edi Ramës me kompaninë e Spiro Kolekës dhe Mehdi Bushatit nuk ka bir nëne as bir kurve t’ja ndalë. Aq më shumë kur Serbia ka nevojë për njerëz mendje hapur si Edi Rama, sot kur konstatojnë se kanë harxhuar aq shumë mend dhe energji për të jetuar “të gjithë serbët në një shtet”, dhe aq të lehtë e paskan pas: Të bashkohen me Shqipërinë!
