Pse nuk arrestohet përdhunuesi, djali i deputetit PS? Ja si përgjigjet Edi Rama…

“Arrestimet nuk i bën qeveria, as kryeministri, se po ti bëja unë do kishit parë shumë deri tani.” Kështu është përgjigjur sot kryeministri  Edi Rama i pyetur pse nuk arrestohet djali i deputetit, ndonëse në rastin e Agron e Geron Xhafajt u pa se Qeveria ishte i plotfuqishmi i lagjes, Komisariati i Policisë, Prokuroria, ministria e Brendshme dhe ajo e Drejtsësisë dhe së fundi edhe kompani transporti e personave në kërkim që nuk arrestohen në Shqipëri sepse këtu prova.

Gjithsesi kjo është përgjigja e plotë e kryeministrit:

“Arrestimet nuk i bën qeveria, as kryeministri, se po ti bëja unë do kishit parë shumë deri tani, por fatmirësisht nuk kam asnjë përgjegjësi. Është prokuroria ajo që duhet të kryejë deri në fund hetimet dhe të marrë të gjitha vendimet për ta çuar hetimin drejt gjykimit. Jo vetëm unë por as ju fatmirësisht nuk bëni arrestime.
Ndërkohë që diskutojmë për këtë çështje dhe bëjmë shumë mirë që diskutojmë po ridhunohet publikisht vajza, jo vetëm nga PD por dhe nga media, në këndvështrimin tim. Nga ana tjetër deputeti duhet të hetohet njësoj si gjithë të tjerët nëse ka apo nuk ka implikim në këtë proces të drejtëpërdrejtë.

Fakti është se askush nuk ka mundur të bëjë asgjë edhe nëse ka tentuar të ndërhyjë mbi procesin sepse policia e ka respektuar nag A tek ZH. Ju sfidoj të provoni të kundërtën. Ky është fakt. Jetojmë në një sistem ku çdo kush që mbush moshën 18 vjeç përgjigjet para ligjit.

Për mua çështja është shumë e qartë si drita e diellit. Vajza meriton drejtësi dhe të gjithë duhet të japin kontributin e tyre në këtë çështje duke ia kursyer ridhunimin në publik dhe përdorimin abuzimin si mish për top për qëllime politike apo mediatike, por drejtësinë nuk e bëj unë dhe jo media, as PD. Është prokuroria që duhet të çojë deri në fund hetimin dhe i takon gjykatës të vendosë atë që duhet ne jemi në krahun e vajzës pa asnjë ekuivok dhe për ne asnjë nuk është mbi ligjin. Të gjithë së bashku jemi të barabartë dhe këtë e kemi vërtetuar.”

Një deputet që mbron dhunuesin pavarësisht se është i biri a duhet të vazhdojë të jetë deputet i PS-së?

Sa i takon të atit të djalit nëse nga hetimi do të ketë një provë të përfshirjes së tij, apo nëse çdo lloj investigimi të pavarur do provojë përfshirjen e tij atëherë hajde më pyesni çfarë qëndrimi do të mbaj.

Të gjithë ata që e kanë të qartë këtë që tha Edi Rama në Korçë se është prokuroria ajo që duhet të kryejë deri në fund hetimet dhe të marrë të gjitha vendimet për ta çuar hetimin drejt gjykimit, e dijnë se është po kjo prokurori që dretohet nga njeriu që e emëroi kryeministri, dhe jo siç e parashikon Kushtetuta, Parlamenti i Shqipërisë.