Pse SHBA nuk e uron Edi Ramën për “fitoren” në zgjedhje?!

Përkundër makinerisë propagandistike të Sigurimit të Shtetit që ka ngritur një stuhi për të mbuluar gotën e mbushur përplotë me krime zgjedhore me kërkesën për dorëheqjen e Kryetarit të Partisë Demokratike, Sali Berisha, sepse sipas Edi Ramës i ka humbur zgjedhjet e 11 Majit, dhe qokës që i bënë liderit global të Vuçiçit disa lider evropian për fitoren, kanë kaluar dy javë dhe atij nuk po mbërinë ende Urimi nga Shtetet e Bashkuara!

Shqetësimi bëhet më i madh në Kabinetin e Edi Ramës, kur zgjedhjet që u mbajtën në shtetet e rajonit edhe pas 11 Majit tashmë kanë marr urimet nga Washingtoni zyrtar, të cilin Washington deri në fitoren e Donald Trump, Rama fal Alex Sorosit e kishte shndërruar në Degë të Partisë Socialiste.

Kështu, deri sa Edi Ramës ende nuk i ka ardhur Urimi nga Shtetet e Bashkuara për zgjedhjet e “fituara” më 11 Maj, Presidenti i zgjedhur i Rumanisë më 18 Maj mori Urimin përmes Ambasadës së SHBA në Bukuresht më 20 Maj!

“Ne mezi presim të bashkëpunojmë me Nicușor Dan si president të Rumanisë dhe me qeverinë e re, për të promovuar prioritetet tona të përbashkëta, siç janë mbrojtja, energjia dhe partneritetet tregtare,” ishte mesazhi i Shteteve të Bashkuara për balotazhin e zgjedhjeve presidenciale në Rumani i cili u zhvillua më një javë pas zgjedhjeve të përgjithshme në Shqipëri.

Dhe, përveç mungesës së Urimit, Edi Ramës i mungoi ftesa edhe për pjesëmarrje në Asamblenë Parlamentare të NATO-s që mbahet në Dayton ndërsa është ftuar Presidenti i Republikës, Bajram Begaj!

Për ata patronazhistë që mungesën e ftesës e arsyetojnë me faktin se Presidenti është Komandant i Përgjithshëm i Forcave të Armatosura, i kujtojmë se në vitin 2016 kur u mbajtë Asambleja në Tiranë, Edi Rama nuk ftoi Presidentin Bujar Nishani, dhe habia ndërkombëtare pse ai nuk ishte përfshirë në agjendë dhe ftesa nuk mungonte për Kryetarin e Parlamentit, Ilir Meta, shumë shpejtë kaloi në koshin e marrëzive të Edi Ramës!

Dhe, deri sa Edi Ramës i mungon Urimi nga Shtetet e Bashkuara për mandatin e katërt që “fitoi” më 11 Maj, nuk mungon mesazhi përmes Ambasadës së SHBA në Tiranë se cilat janë prioritetet e Prokurorit të Përgjithshëm të SHBA në luftën kundër karteleve, krimit të organizuar ndërkombëtar dhe emigracionit të paligjshëm.

“Ambasada e SHBA në Tiranë mirëpriti Ndihmës Drejtorin e ICITAP të Departamentit të Drejtësisë të SHBA, Stephen Fields, nga 19 deri më 23 maj. Gjatë vizitës së tij, Z. Fields u takua me të Ngarkuarën me Punë Nancy VanHorn, zyrtarë të Ambasadës dhe udhëheqës të institucioneve të zbatimit të ligjit në Shqipëri për të shprehur mirënjohjen për partneritetin e fortë me Shqipërinë. Ai përcolli prioritetet e Prokurorit të Përgjithshëm të ShBA për të eliminuar kartelet, krimin e organizuar ndërkombëtar dhe emigracionin e paligjshëm. Ndihmës Drejtori Fields zhvilloi takime me Ministrin e Brendshëm Ervin Hoxha, Kreun e SPAK Altin Dumani, Drejtorin e Përgjithshëm së Policisë së Shtetit Ilir Proda, Drejtorin e Përgjithshëm të Agjencisë së Mbikëqyrjes Policore Florian Sulejmani, Drejtorin e Përgjithshëm të Burgjeve Klevis Qose dhe të tjerë.

Përveç kësaj, 340,000 dollarë në pajisje amerikane u transferuan në burgjet shqiptare përmes ICITAP dhe Byrosë kundër Terrorizmit dhe INL të Departamentit të Shtetit. Vizita përfundoi me prezantimin e Çmimit të Ekselencës dhe akreditimin e parë ndërkombëtar IADLEST për Akademinë e Sigurisë,” shprehet Ambasada e SHBA në Tiranë për vizitën e Ndihmës Drejtorit të ICITAP të Departamentit të Drejtësisë të SHBA në Shqipëri, i cili as pas katër ditë qëndrimi nuk kishte kohë për Kryeministrin Edi Rama!

Ndryshe, për atë llum socialist që tundin pamjet nga Samiti i Komunitetit Politik Europian që u mbajtë në Tiranë më 16 Maj dhe urimet e Presidentit francez Macron, dhe, nuk shqetësohen as për Urimin e munguar nga SHBA dhe as për dëshmitë që po publikohen për dy javë mbi manipulimet zgjedhore të Edi Ramës, është shqetësuese deklarata e përbashkët e Shefes së diplomacisë evropiane, Kaja Kallas, dhe, Komisioneres për Zgjerim, Marta Kos, mbi zgjedhjet parlamentare në Shqipëri ku votimi u zhvillua në një mjedis shumë të polarizuar, garuesit nuk gëzonin kushte të barabarta loje dhe për shkak të përdorimit të gjerë të burimeve administrative dhe ndikimit institucional, shumica qeverisëse ka pasur avantazhin e të qenit në pushtet.

“Sipas gjetjeve dhe përfundimeve paraprake të Misionit të Vëzhgimit të Zgjedhjeve të OSBE/ODIHR-it, zgjedhjet u menaxhuan përgjithësisht në një mënyrë gjithëpërfshirëse dhe transparente, dita e zgjedhjeve ishte e qetë dhe e organizuar mirë, pavarësisht disa mangësive.

Zgjedhjet në përgjithësi ishin konkurruese dhe të zhvilluara në mënyrë profesionale, dhe kandidatët në përgjithësi ishin në gjendje të bënin fushatë lirisht, megjithëse disa raportuan se u përballën me kërcënime.

Megjithatë, votimi u zhvillua në një mjedis shumë të polarizuar, në të cilin garuesit nuk gëzonin kushte të barabarta loje. Për shkak të përdorimit të gjerë të burimeve administrative dhe ndikimit institucional, mund të ndodhë që shumica qeverisëse të ketë pasur avantazhin e të qenit në pushtet. U bënë akuza të shumta për presion mbi votuesit, veçanërisht punonjësit publikë,” theksojnë ndër të tjera në deklaratën e përbashkët Kallas dhe Kos, të shqetësuara dhe për pavarësinë e medias në shtetit e Edi Ramës:

“Pavarësia e medias vazhdon të jetë një problem dhe mbulimi i saj zgjedhor ka vazhduar t’u japë rëndësi partive kryesore dhe transparenca e financimit të fushatës gjithashtu mbeti e kufizuar.”