Publikohen pamje, Ukraina: Për herë të parë në histori, droni rrëzon një avion luftarak
Shërbimi i inteligjencës ushtarake të Ukrainës ka njoftuar se ka rrëzuar një avion luftarak rus Su-30 mbi Detin e Zi gjatë një sulmi masiv me dron në gadishullin e aneksuar të Krimesë.
Siç pretendonë ky Shërbim i Inteligjencës Ushtarake, ky është shkatërrimi i parë në histori i dokumentuar i një avioni luftarak nga një dron detar.
It's official, Ukraine has just downed a Russian SU-30 bomber with a naval drone – a historic first.
— Jay in Kyiv (@JayinKyiv) May 3, 2025
Ukraine's innovations just keep coming. pic.twitter.com/IIH7kJmykI
Sulmi u krye nga Njësia Speciale e Grupit 13 të Drejtorisë Kryesore të Inteligjencës, HUR, të Ministrisë së Mbrojtjes së Ukrainës, në bashkëpunim me Shërbimin e Sigurisë Ukrainase SBU dhe Forcat e Mbrojtjes të Ukrainës.
Siç është raportuar, raketa që rrëzoi aeroplanin u qëllua nga platforma detare MAGURA V5.
Avioni luftarak rus me vlerë 50 mln $ shpërthen në flakë dhe rrëzohet në det
“Një avion luftarak rus multifunksional, që vlerësohet të ketë një vlerë prej rreth 50 milionë dollarësh, shpërtheu në flakë në ajër dhe më pas ra në det, në fundin i cili tani vëzhgohet nga Neptuni i pamëshirshëm,” tha Shërbimi i Inteligjencës Ushtarake ukrainase përmes një deklarate.
Sipas ukrainasve, sulmi ndodhi në ujërat pranë portit rus të Novorossiysk, ku, sipas raportimeve të tyre, janë fshehur njësitë e mbetura të Flotës së Detit të Zi.
Kujtojmë, më 31 dhjetor 2024, forcat speciale ukrainase, duke përdorur të njëjtin dron MAGURA V5, shkatërruan me sukses një objektiv ajror për herë të parë, dy helikopterë rusë Mi-8, që ishte edhe rasti i parë i tillë në botë. Humbjen e Su-30 e konfirmuan edhe disa blogerë ushtarakë rusë pranë autoriteteve dhe ushtrisë, përfshirë kanalin e njohur pro-Kremlinit Rybar.
