Puka i tha JO ambicies së Edi Ramës, fiton Rrok Dodaj i koalicionit “Bashkë Fitojmë”

“Sa më shumë i afrohemi 14 majit, banda që ka drejtuar pushtetin vendor prej 8 vitesh, me në krye narkotrafikantin Gjon Gjonaj, përmes grupeve të armatosura, të cilat i strehon në Hotel Turizëm Puka, synon të ushtrojë presion dhe shantazh mbi banorët pukjan.

Të frymëzuar nga etërit e tyre politikë, që pushteti mbahet me grykën e pushkës, natën e mbrëmshme, killera me pagesë që vërtiten të armatosur rrugëve të qytetit, duke i bërë karshillëk policisë së shtetit, kanë tentuar të intimidojmë qytetarë të lirë dhe mbështetës të opozitës,” theksonte këtë fillimaj kandidati i koalicionit “Bashkë Fitojmë” Rrok Dodaj duke akuzuar kandidatin e PS, Gjon Gjonajn, se kryebashkiaku aktual i Pukës do të mbahet mend për prishjen e traditave dhe vlerave të bashkëjetesës pukjane duke renditur me emra personat që po shantazhonin qytetarët për vota.

Përpjekja e Kryeministrit dhe Kryetarit të PS, Edi Rama, një javë pas kësaj deklarate ishte e kot edhe pse ashtu si etërit e tij nga viti 1945 foli për ambiciet madhore:

“Ambicia ime është që turistët në Pukë t’i çojmë në 100 mijë. Por 100 mijë turistë nuk mund të vijnë këtu në 100 pallatet që paska premtuar ai maska i faqes së zezë në Tiranë. Që kur thotë se do të ndërtoj 100 pallate në Pukë, çdo pukjan, edhe ai më i djathti, duhet t’i vërë vizën.

Kjo është dita e fundit e fushatës, të cilën vendosa që ta bëjmë një ditë aktivitetesh në qarkun e Shkodrës dhe ta mbyllim në qendrën e Shkodrës dhe Durrësit,” tha Edi Rama në ditën e përmbylljes së fushatës por në 14 maj ishte ai vetë që mori vizën nga pukjanët.

Sot, më 15 janar, kur votat u numëruan dhe pukjanët i thanë JO premtimeve komuniste, kur Rrok Dodaj tashmë është Kryetar i ri i Bashkisë Pukë, Edi Rama me bandat e armatosura të kandidatit të tij Gjon Gjonaj, në Hotel Turizëm Puka mund të vazhdojë me këngën:

“…Kemi shkolla, o me dy klasa
Kemi sharra, o me pre dërrasa
Kemi furra, o me pjek bukë
O lum si na, si jetojme n’Pukë…”